Lucas 6:21 - Inkeanon

²¹ Bulahan kamo nga mga ginagutom makaron ay mabusog gid kamo. Bulahan kamo nga nagatangis makaron ay magakalipay gid kamo.

Lucas 6:21 Iomraidhean Croise

Mateo 5:4

Bulahan ro mga nagakasubo dahil sa andang mga saea, ay sanda ro pagaaeam-aeaman it Dyos agod magbaskog ro andang buot.

Mateo 5:6

Bulahan ro mga tawo nga nagahandom gid it duro nga magkabuhi it matarong sa panueok it Dyos, ay sanda ro taw-an it Dyos ku andang ginahandom.

Lucas 1:53

Ginpabugana nana ro mga ginakueang, pero ro mga manggaranon hay anang ginpangsuboe nga owa it dinaea.

Lucas 6:20

Tapos, nagtan-aw si Jesus sa kaabo-abo nana ngato nga mga sumueunod ag naghambae, “Bulahan kamo nga mga kubos ay matapoe kamo sa mga sinakpan it Dyos.

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Lucas 6:25

Makaeueuoy man kamo nga mga busog makaron ay maabot ro adlaw nga magutuman gid kamo. Makaeueuoy man kamo nga ro ginapahaegahan eang makaron hay ro inyo mismong kalipay, ay maabot ro adlaw nga magakasubo gid kamo ag magatangis.

Juan 11:35

Nagtangis si Jesus.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Juan 6:35

Nagsabat si Jesus, “Ako't-a ro pagkaon nga nagatao it minatuod nga kabuhi. Ro bisan sin-o nga gadangop kakon hay indi eon paggutumon bisan hasta hin-uno ag ro bisan sin-o nga gatuo kakon hay indi eon pag-uhawon it uman.

1 Corinto 4:11

Hasta makaron hay ginagutom ag ginauhaw kami. Nagasuksuk it eapat ag owa it baeay nga dugalingon ag ginasakit kami it mga tawo.

2 Corinto 11:27

Haagyan ko man ro pagtrabaho hasta indi eon ako katindog sa kagaoy, ag abo nga beses nga indi ako hikatueog it bilog nga gabii. Haagyan ko man ro grabing uhaw ag kon paano ro masueukan, ag abo nga beses nga indi ako kapanginaon dahil sa akong trabaho. Haagyan ko man ro eamig ag owa it pangeamig.

2 Corinto 12:10

Ngani nalipay gihapon ako bisan owa ako it ikasarang, kon ginasamaran ako, kon ginapakalisdan, kon ginahingabot ag kon sa kapipit-an dahil sa akong pagserbi kay Kristo. Sa oras abi nga maeuya ako ag owa it ikasarang hay dikaron man dayon ako ginagamhan it Dyos.

2 Corinto 6:10

May tyempo nga masubo kami pero permi man gakalipay bisan una sa kalisod. Mga pobre kami pero paagi kamon hay abo ro gamanggad it manggad nga indi maduea. Owa kami it manggad iya sa kalibutan pero amon man ro tanan nga manggad sa eangit nga ginpromisa it Dyos.

Santiago 1:12

Bulahan ro nagabatas it mga pagtesting sa andang pagtuo ag owa nagatalikod dikaron tungod aprubahan sanda it Dyos. Magabaton dayon sanda it premyo nga kabuhi nga ginpromisa it Dyos sa mga nagahigugma kana.

Pahayag 21:3

May habatian dayon ako nga mabaskog nga limog nga halin sa trono. Hambae nana, “Pamati kamo, ro ilistaran it Dyos makaron hay sa ilistaran man it mga tawo. Una mismo imaw magaistar kaibahan nanda, ag sanda ro mangin anang mga katawhan. Imaw mismo ro magaiba kanda permi bilang andang Dyos.

Pahayag 7:16

Ngani indi eon gid sanda pagkueangon it pagkaon o ilimnon bisan hasta hin-uno. Ag indi man eon sanda mapaso sa pwerti kainit nga silak it adlaw o bisan ano pa nga makasueunog.