Lucas 6:19 - Inkeanon

¹⁹ Ngani ro tanan nga tawo idto hay nagtininguha nga matabing si Jesus, ay nagaguwa eang kana ro gahom ag nagamayad dayon sanda tanan.

Lucas 6:19 Iomraidhean Croise

Mateo 14:36

Ginpinangabay nanda imaw nga kon puydi hay sugtan nana ro mga masakiton nga tabingon nanda bisan ro gayad eon lang ku ana nga eambong. Ag ro tanan nga nakatabing kato hay nagmaeayad.

Marcos 3:10

Dahil abo ro anang ginpamayad ngani ro iba pang mga masakiton hay nagadueutdutan paeapit kana agod hibuytan imaw.

Marcos 5:30

Nakabatyag eagi si Jesus nga may nagguwa nga gahom kana ngani umatubang imaw ag nagpangutana sa mga tawo, “Sin-o ro nagtabing ku akon nga eambong ay?”

Marcos 6:56

Bisan siin mag-adto si Jesus, sa mga kabanwahan man o mga kabaryuhan, o kaumahan o tindahan hay ginadaea idto ro mga masakiton ag ginabutang nanda kon siin imaw gaagi. Ginapinangabay nanda imaw nga kon puydi hay sugtan nana ro mga masakiton nga tabingon nanda bisan ro gayad eon lang ku ana nga eambong. Ag ro tanan nga nakatabing kato hay nagmaeayad.

Marcos 8:22

Pag-abot nanday Jesus sa banwa it Betsaida, may mga tawo nga nagdaea kana it isaeang ka bulag. Ginpangabay nanda si Jesus nga buytan ro bulag ngato agod nga makakita.

Lucas 5:17

Kaisaea kato, tag nagaturo si Jesus, may idto man nga mga *Pariseo ag mga *maestro it Kasuguan it Dyos nga nagapungko idto ag nagapamati. Idto pa sanda naghaealin sa mga kabaryuhan ku mga probinsya it Galilea ag Judea, ag pati man sa Jerusalem. Una kay Jesus ro gahom it Dyos agod makapamayad it mga nagamasakit.

Lucas 6:18

Nag-adto sanda idto kay Jesus agod magpamati kana ag agod himayad nana sanda sa andang mga baeatian. Ro mga ginapalisdan it mga maeain nga espirito hay ana man nga ginpamayad.

Mga Binuhatan 19:12

Bisan ro mga panyo o apron nga anang gin-gamit nga ginadaea sa mga masakiton hay nagapamayad kanda ag makapaguwa ku maeain nga espirito.

1 Pedro 2:9

Pero kamo't-a hay natapoe sa katawhan it Dyos nga anang pinili ag ana nga ginabilang nga bag-o nga rasa. Mga harianon man kamo nga mga saserdote. Ginpaeain kamo nana agod mangin anang balaan nga rasa. Gintawag nana kamo nga talikdan ro kadueom it saea ag magpangabuhi sa anang makangawa-ngawa nga kahayag. Ag ro anang tuyo hay agod nga isugid ninyo permi sa iba ro anang grabi it nami nga mga ginhimo para kinyo.