Lucas 6:18 - Inkeanon

¹⁸ Nag-adto sanda idto kay Jesus agod magpamati kana ag agod himayad nana sanda sa andang mga baeatian. Ro mga ginapalisdan it mga maeain nga espirito hay ana man nga ginpamayad.

Lucas 6:18 Iomraidhean Croise

Mateo 15:22

Tag idto eon sanda, may nag-adto kana nga bayi nga tagaidto nga halin sa linahi it mga tagaCanaan kato anay. Nagsininggit ratong bayi, “Ginuo, apo ni Haring David, maeuoy ka kakon! Ginsudlan it demonyo ro akong unga nga bayi ag grabi gid ro anang kahimtangan.”

Mateo 17:15

ag naghambae, “Ginuo, kaeuuyi man ro akong unga! Imaw hay kueueuon ag kon dungguon ngani imaw hay grabi. Permi imaw nga gakatumba sa kaeayo o kon sa tubi.

Lucas 6:17

Pagkatapos, nagpanaog sa bukid sanday Jesus ag ro anang mga ginpili ngato. Bago sanda nakaabot sa ubos hay nagpundo anay sanda sa sangka lugar idto nga patag-patag. Nagatueumpok idto ro kaabo-abo nga iba pa nga mga sumueunod ni Jesus, pati man ro kaabo-abo nga mga tawo nga halin pa sa Judea, sa Jerusalem ag sa mga syudad it Tiro ag Sidon nga maeapit sa kadagatan.

Lucas 6:19

Ngani ro tanan nga tawo idto hay nagtininguha nga matabing si Jesus, ay nagaguwa eang kana ro gahom ag nagamayad dayon sanda tanan.

Mga Binuhatan 5:16

Abo man nga mga tawo ro nag-inadto idto nga halin pa sa mga kabanwahan sa libot it Jerusalem. Ginpangdaea nanda ro andang mga masakiton ag ro mga ginapaantos it mga maeain nga espirito ag ginpangmayad dayon sanda tanan.