Lucas 6:17 - Inkeanon

¹⁷ Pagkatapos, nagpanaog sa bukid sanday Jesus ag ro anang mga ginpili ngato. Bago sanda nakaabot sa ubos hay nagpundo anay sanda sa sangka lugar idto nga patag-patag. Nagatueumpok idto ro kaabo-abo nga iba pa nga mga sumueunod ni Jesus, pati man ro kaabo-abo nga mga tawo nga halin pa sa Judea, sa Jerusalem ag sa mga syudad it Tiro ag Sidon nga maeapit sa kadagatan.

Lucas 6:17 Iomraidhean Croise

Mateo 11:21

Hambae nana, “Makangigidlis gid ro matabo kinyo nga mga tagaCorazin ag mga tagaBetsaida, tungod owa't-a kamo magtalikod sa inyong saea! Kon ginhimo ko't-a kunta sa Tiro ag Sidon ro mga milagro nga ginhimo ko iya kinyo hay kabuhay eo't-a sanda nga nagsuksuk it magaeas nga eambong ag nagbutang it abo sa andang ueo bilang tanda ku andang pagtalikod sa saea.

Mateo 12:15

Pero sayod ni Jesus kon ano ro andang plano ngani naghalin imaw sa rato nga lugar. Kaabo nga mga tawo ro nagsunod kana ag ana nga ginpamayad ro tanan nga may masakit

Mateo 14:14

Pagpanaog ni Jesus, hakita nana ro kaabo-abo nga tawo nga nagsunod kana. Naeuoy gid imaw kanda ngani anang ginpangmayad ro mga masakiton kanda.

Mateo 15:21

Nagpanaw dayon sanday Jesus paadto sa mga lugar nga sakop it Tiro ag Sidon.

Mateo 5:1

Kaisaeang adlaw, pagkakita ni Jesus ku kaabo nga mga tawo nga nagasunod kana hay nagsaka imaw sa sangka manaba nga bukid ag idto nagpungko. Pagkapungko nana, nagpaeapit kana ro anang mga sumueunod.

Lucas 5:15

Pero ro balita parti kay Jesus hay mas kapin nga nageapnaag ngani nag-adto kana ro kaabo nga tawo agod magpamati ag magpabueong.

Lucas 6:12

Pagkataliwan it pilang adlaw, nagtukad si Jesus sa bukid agod magpangamuyo. Sang gabii ro anang pagpinangamuyo sa Dyos.

Lucas 6:16

si Judas nga unga ni Santiago, ag si Judas Iscariote nga nagtraidor kay Jesus ku ulihi.

Lucas 6:18

Nag-adto sanda idto kay Jesus agod magpamati kana ag agod himayad nana sanda sa andang mga baeatian. Ro mga ginapalisdan it mga maeain nga espirito hay ana man nga ginpamayad.