Lucas 6:13 - Inkeanon

¹³ Pagkaagahon kato, ginpatipon nana idto ro tanan nga mga nagasinunod kana. Nagpili dayon imaw kanda it dose nga anang gintawag nga mga *apostoles.

Lucas 6:13 Iomraidhean Croise

Mateo 10:2

Raya ro mga ngaean ku doseng ka *apostoles ni Jesus: si Simon nga ginatawag man nga Pedro, si Andres nga igmanghod ni Simon, ro mga unga ni Zebedeo nga sanday Santiago ag Juan,

Mateo 19:28

Ginhambae sanda ni Jesus, “Matuod rang ginahambae kinyo nga kon bag-uhon eon it Dyos ro kalibutan, ako nga Unga it Tawo hay magapungko sa akong trono ag magahari nga may kadungganan nga indi matupungan. Ag kamo nga dose nakon nga ka sumueunod hay magapungko man sa trono, ag pagadumaeahan ninyo ro mga inapo ku dose nga ka unga ni Israel.

Mateo 9:36

Pagkakita nana sa kaabo nga mga tawo, naeuoy gid imaw kanda ay ginapalisdan ag ginadaog-daog sanda, pareho it mga karnero nga owa it manogbantay.

Marcos 6:30

Pagkatapos ku andang panaw hay nagbalik ro mga apostoles kay Jesus. Ginsugid dayon nanda kana ro tanan nandang gin-obra ag ginturo.

Marcos 6:7

Owa magbuhay, ginpatipon ni Jesus ro dose nana nga ka mga sumueunod ag ginsugo nana sanda nga magpanaw it tig-daywa-daywa, ag gintaw-an nana sanda it otoridad ag gahom nga magsuboe it mga maeain nga espirito.

Lucas 11:49

Raya ro ginhambae ku maaeam nga Dyos parti kinyo: ‘Paadtunan ko sanda sa mga propeta ag mga apostoles. Pamatyon nanda ro iba sa akong mga paadtunon ag hingabuton ro iba.’

Lucas 22:30

Ngani padunggan ko kamo ag mangin kaibahan nakon kamo permi sa pagkaon kon magselebrar eon idto sa eangit ro tanan nga sinakpan it Dyos. Ag padumaeahon ko kamo ku dose nga ka tribo ni Israel.”

Lucas 6:14

Raya ro anang mga ginpili: si Simon nga ginpangaeanan nana nga Pedro, si Andres nga igmanghod ni Simon, si Santiago, si Juan, si Felipe, si Bartolome,

Juan 4:33

Sinanda dayon ku anang mga sumueunod sa kada isaea, “Sin-o man abi kana iya ro madaea it pagkaon?”

Mga Binuhatan 1:13

Pag-abot idto, nagsaka sanda sa ibabaw ku baeay nga andang ginadayunan. Rato hay sanday Pedro, Juan, Santiago, Andres, Felipe, Tomas, Bartolome, Mateo, Santiago nga unga ni Alfeus, si Simon nga isaeang ka rebelde anay sa paggobyerno it Roma, ag si Judas nga ro anang ama hay Santiago man ro ngaean.

Mga TagaEfeso 2:20

Ro mga katawhan it Dyos hay matsa baeay nga anang ginapatindog ag kamo hay parti man karon. Rayang baeay hay napundar sa mensahi nga ginwali ku mga apostoles ag mga propeta, ag si Kristo Jesus ro pinakaimportanti nga bato sa pundasyon nga nagapalig-on ku bilog nga baeay.

Mga TagaEfeso 4:11

Ag imaw man ro nagtao sa tanan nanang katawhan it mga tawo nga may sari-saring abilidad. Ro iba kanda hay mga apostoles, ro iba hay mga propeta, ro iba hay mga manogwali nga nagaadto sa ibang lugar agod magsugid ku Mayad nga Balita, ag ro iba ma't-a hay mga pastor nga gadipara ku mga tumueuo ag gaturo man kanda.

Mga Hebreo 3:1

Ngani mga igmanghod ko nga ginpaeain it Dyos nga mangin anang balaan nga mga katawhan, kamo nga parehas man kakon nga gintawag it Dyos agod mangin kaibahan nana idto sa eangit, paino-inoha gid ninyo it mayad si Jesus. Imaw ro ginpadaea iya it Dyos ag imaw man ro atong ginakilaea nga Pinakapinuno nga Saserdote ku doktrina nga atong ginatuuhan.

2 Pedro 3:2

Gusto ko nga dumdumon ninyo ro mga ginhambae kato anay ku mga balaan nga propeta ag pati man ro mga sugo ku atong Ginuo ag Maneueuwas nga ginturo kinyo ku mga apostoles.

Pahayag 12:1

Pagkatapos kara hay may nagtunga sa eangit nga makangawa-ngawa nga taean-awon nga may ginapatungdan. May isaeang ka bayi nga ro anang eambong hay ro adlaw. Ro anang mga siki hay nagatungtong sa buean. May ana man nga korona nga doseng ka bituon.

Pahayag 18:20

Magkalipay kamo tanan nga inha sa eangit, kamo nga mga apostoles ag mga propeta it Dyos, ag kamo nga anang katawhan, dahil ginpinahan nana ruyon nga syudad ag duyon ro baeos sa anang mga maeain nga gin-obra kinyo.

Pahayag 21:14

Ro mga pundasyon ku pader ngato hay human sa dose nga ka maeagko nga mga bato ag nakasueat man sa kada bato ro ngaean ku kada sambilog sa dose nga ka apostoles ku Tiyo it Karnero.