Lucas 6:12 - Inkeanon

¹² Pagkataliwan it pilang adlaw, nagtukad si Jesus sa bukid agod magpangamuyo. Sang gabii ro anang pagpinangamuyo sa Dyos.

Lucas 6:12 Iomraidhean Croise

Mateo 5:1

Kaisaeang adlaw, pagkakita ni Jesus ku kaabo nga mga tawo nga nagasunod kana hay nagsaka imaw sa sangka manaba nga bukid ag idto nagpungko. Pagkapungko nana, nagpaeapit kana ro anang mga sumueunod.

Mateo 6:6

Pero kon ikaw 't-a ro magpangamuyo, sueod sa imong kwarto ag manirado. Mangamuyo ka dayon sa imong Ama nga kaibahan mo idto, ag pagapremyuhan ka nana nga nakakita ku tanan nimong ginaobra.

Marcos 1:35

Aga-aga pa, nagbangon eon si Jesus ag nag-adto sa sangka lugar nga owa it kabeayan ag idto nagpangamuyo.

Marcos 3:13

Ku ulihi, nagtukad si Jesus sa bukid ag ana nga gintawag ro mga tawo nga gusto nana nga magmunot idto kana ag nag-aeadto dayon sanda kana.

Marcos 6:46

Pagkapapanaw nana ku mga tawo hay nagsaka imaw sa bukid idto agod magpangamuyo sa Dyos.

Lucas 5:16

Pero may mga beses nga ginaaywan nana sanda ag nagaadto imaw sa *disyerto agod magpangamuyo.

Lucas 6:11

Naakig it duro ro mga maestro it Kasuguan ag ro mga Pariseo ngani gin-istoryahan nanda kon ano ro andang dapat obrahon kay Jesus.

Lucas 6:17

Pagkatapos, nagpanaog sa bukid sanday Jesus ag ro anang mga ginpili ngato. Bago sanda nakaabot sa ubos hay nagpundo anay sanda sa sangka lugar idto nga patag-patag. Nagatueumpok idto ro kaabo-abo nga iba pa nga mga sumueunod ni Jesus, pati man ro kaabo-abo nga mga tawo nga halin pa sa Judea, sa Jerusalem ag sa mga syudad it Tiro ag Sidon nga maeapit sa kadagatan.

Lucas 9:18

Isaeang adlaw nga nagpangamuyo nga isaeanhon si Jesus, idto ro anang mga sumueunod sa ueu-unahan. Pagkatapos nana it pangamuyo, ginpangutana nana sanda, “Sin-o kuno ako kon sa mga tawo?”

Lucas 9:28

Pagkataliwan it mga waeong adlaw nga ginhambae ra ni Jesus, nagsaka imaw sa bukid agod magpangamuyo. Gindaea nana sanday Pedro, Juan ag Santiago.

Lucas 9:29

Tag nagapangamuyo si Jesus hay nag-iba ro itsura ku anang uyahon. Ro anang eambong hay nangin kaputi-puti ag kasilaw-silaw.

Juan 6:3

Pagkapanaog ni Jesus sa baroto hay nagsaka imaw sa bukid nga maeapit idto, kaibahan ro anang mga sumueunod, ag nagpungko sanda idto.

Mga TagaColosas 4:2

Padayuna pa gid ro inyong pagpangamuyo maskin ano ro magkaeanabo. Sa inyo nga pagpangamuyo hay dapat nga mapinasaeamaton kamo ag alisto nga indi magwarang ro inyong paino-ino.

Mga Hebreo 5:7

Tag iya pa si Jesus sa kalibutan, nagpangamuyo ag nagpakitluoy imaw nga may daeang ueahab ag pagpanangis sa Dyos ay sayod nana nga may gahom ro Dyos nga makaeuwas kana sa kamatayon. Ag tungod imaw hay matinahuron ag matinumanon sa Dyos ngani owa pagbaliwalaa it Dyos ro anang pangamuyo.