Lucas 6:11 - Inkeanon

¹¹ Naakig it duro ro mga maestro it Kasuguan ag ro mga Pariseo ngani gin-istoryahan nanda kon ano ro andang dapat obrahon kay Jesus.

Lucas 6:11 Iomraidhean Croise

Mateo 16:7

Pagkabati kara ku mga sumueunod hay nag-istorya sanda kon ano ro buot hambaeon ni Jesus. Hambae nanda sa kada isaea, “Ginhambae siguro nana ron ay sayod nana nga owa kita it baeon nga tinapay.”

Mateo 21:45

Pagkatagumpaaw ku mga pinuno it mga saserdote ag ku mga Pariseo nga sanda ro ginapatamaan ni Jesus sa ana ngatong paanggid nga istorya

Lucas 4:28

Pagkabati nanda kara, ro tanan nga mga tawo nga una sa sinagoga hay naakig gid it duro kay Jesus.

Lucas 6:10

Gintueok sanda tanan ni Jesus ag ginhambae nana dayon rato nga kimpay, “Untayan ring alima.” Gin-untay ku tawo ro anang alima ag nagmayad eagi rato.

Lucas 6:12

Pagkataliwan it pilang adlaw, nagtukad si Jesus sa bukid agod magpangamuyo. Sang gabii ro anang pagpinangamuyo sa Dyos.

Juan 11:47

Ngani ginpatawag ku mga Pariseo ag ku mga pinuno it mga saserdote ro tanan nandang kaibahan sa *Sanedrin. Hambae nanda, “Matsa owa 't-a it pueos ro atong ginaobra agod nga mapapundo ro haning tawo ngara, ay abo eo't-a nga mga milagrosong pamatuod ro anang ginahimo!

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.

Mga Binuhatan 26:11

Naglinibot ako sa tanan nga mga sinagoga, ag kon may hikita ako nga mga tumueuo hay akon sanda nga ginapilit nga maghambae nga si Jesus hay manogpataeang, bukon it Maneueuwas. Kon indi sanda hay akon sanda nga ginapinahan. Sa sobra ko nga kaugot kanda hay ginhingabot ko sanda bisan sa mga syudad ku mga bukon it Judio sa maeayong lugar.

Mga Binuhatan 4:15

Ngani ginpaguwa anay nanda sanday Pedro sa andang ginatipunan ngato ag nag-istorya dayon sanda nga sanda-sanda eang.

Mga Binuhatan 4:19

Pero nagsabat sanday Pedro ag Juan, “Ano ro tama sa mata it Dyos, sundon namon kamo o imaw ro among sundon? Abi, kamo ro maghusgar.

Mga Binuhatan 5:33

Naakig gid it duro ro mga myembro it *Sanedrin pagkabati kara ngani gusto nandang ipapatay ro mga apostoles.

Mga Binuhatan 7:54

Pagkabati kato ku mga myembro it *Sanedrin hay naakig gid sanda it duro kay Esteban ag nagpagot gid sanda sa kaakig.

2 Timoteo 3:9

Pero hasta siin gid abi sanda ron? Mahayag gid sa tanan ro anda ngarong pagkabungog pareho man kato kanday Jannes ag Jambres.