Lucas 5:7 - Inkeanon

⁷ Ginsinyasan nanday Simon ro andang mga kaibahan sa sambilog pa nga baroto nga buligan sanda. Pag-abot ku andang mga kaibahan, ginbutang nanday Simon ro andang dakop sa daywang ka baroto. Napuno ro andang mga baroto ag matsa maeunod eon rato dahil sa kaabuon ku isda.

Lucas 5:7 Iomraidhean Croise

Marcos 4:36

Ngani nagsakay ro mga sumueunod sa baroto nga kaina pa ginalingkuran ni Jesus. Nagpanaw dayon sanda ag haaywanan ro abo nga mga tawo sa baybayon ugaling may pilang ka mga baroto nga nagsunod kanda.

Lucas 5:6

Ngani gindaea nanda sa madaeom ro baroto ag gintaktak nanda ro andang mga lambat ag kaabo-abo ro andang hadakpan. Haeos magisi ro mga lambat sa kaabuon it hadakpan nga isda.

Lucas 5:8

Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.”

Mga Binuhatan 11:25

Tapos, nag-adto si Barnabas sa Tarsus agod usuyon si Saulo.

Mga TagaGalacia 6:2

Magbueuligan kamo sa inyong mga kalisod tungod isaea ron sa mga paagi nga matuman ninyo ro sugo ni Kristo nga dapat nga maghigugmaanan kita.

Mga TagaFilipos 4:3

Ag ikaw, Susugos, tindugi ro kahueugan ku imong ngaean sa pagbulig sa mga bayi ngaron inha nga magkaeasugot. Nagpangabudlay gid ron sanda kaibahan nakon sa pagpaeapnaag ku Mayad nga Balita, kaibahan nanday Clemente ag ku iba pa nga kapareho nakon nga nagaserbi sa Ginuo. Ginsueat eon it Dyos ro anda tanan nga ngaean sa listahan ku mga gintaw-an it kabuhi nga owa it katapusan.