Lucas 5:32 - Inkeanon

³² Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”

Lucas 5:32 Iomraidhean Croise

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 9:13

Owa ako nag-adto riya agod pahinuesueon ro mga nagaeaom nga matarong eon sanda, kundi rondato nga haom mag-ako nga sanda hay mga makasasaea. Ngani estudyuhi ninyo it mayad kon ano ro tama nga kahueugan ku ginhambae it Dyos nga, ‘Mas mahaega kakon ro inyong pagkaeuoy sa inyong isigkatawo kaysa sa inyong paghaead it sapat agod tumanon eang ro Kasuguan.’ ”

Marcos 15:10

Ginpangutana ron ni Pilato ay sayod nana nga ginpaatubang kana ku mga pinuno it mga saserdote si Jesus dahil nahisa sanda kay Jesus.

Marcos 15:7

Idto sa prisuhan ku ratong oras hay may isaeang ka priso nga ro ngaean hay Barabas. Imaw ra hay hapriso kaibahan ku mga nagrebelde anay kuntra sa gobyerno it Roma, ag nakapatay imaw it tawo ku pagrebelde nanda ngato.

Marcos 2:17

Habatian rato ni Jesus ag ginsabat nana sanda, “Ro mga mayad ro andang eawas hay owa gakinahangean it doktor kundi ro mga masakiton eang. Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”

Lucas 15:10

Ginahambae ko kinyo nga magakalipay ro mga anghel it Dyos kon may sangka makasasaea nga maghinuesoe ag magtalikod sa anang mga saea.”

Lucas 15:7

Ginahambae ko kinyo nga mabahoe gid ro kalipay idto sa eangit sa bisan sambato eang nga makasasaea iya sa kalibutan nga maghinuesoe ag magtalikod sa anang mga saea. Pero owa gid it kalipay idto sa eangit sa 99 nga iya sa kalibutan nga nagaeaom nga matarong sanda ag owa eon it kinahangean nga magtalikod sa saea.”

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Lucas 24:47

Ag nasueat man nga sa anang pangaean hay igawali sa tanan nga tawo, umpisa iya sa Jerusalem hasta sa bilog nga kalibutan, nga dapat sanda nga maghinuesoe ag magtalikod sa andang mga saea agod patawaron it Dyos.

Lucas 5:31

Ginsabat sanda ni Jesus, “Ro mga mayad it eawas hay owa gakinahangean it doktor kundi ro mga masakiton eang.

Lucas 5:33

Pagkatapos, may mga tawo nga naghambae kay Jesus, “Ro mga sumueunod ni Juan nga Manogbawtismo hay permi nga nagapuasa ag nagapangamuyo, imaw man ro mga sumueunod it mga Pariseo. Pero ro imo nga mga sumueunod hay owa't-a gapuasa. Ham-an 't-a?”

Mga Binuhatan 17:30

Kato nga owa pa kasayod ro mga tawo parti sa Dyos hay owa nana pag-inatuha nga owa sanda kakilaea kana. Pero makaron hay ana nga ginasugo ro tanan nga mga tawo sa tanan nga lugar nga maghinuesoe ag magtalikod sa andang mga saea,

Mga Binuhatan 2:38

Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo.

Mga Binuhatan 20:21

Pareho ro akong ginaturo sa mga Judio ag sa mga bukon it Judio, nga dapat hay magtalikod sanda sa andang mga saea ag magpasakop sa Dyos ag magtuo kay Jesus nga atong Ginuo.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

Mga Binuhatan 3:26

Katon 't-a nga mga Judio ginpadaea it Dyos si Jesus nga anang ginbutang nga sueuguon, agod kita ro una nga pakamaayuhon, paagi sa pagbulig katon nga magtalikod sa atong mga maeain nga buhat.”

Mga Binuhatan 5:31

Rayang si Jesus hay ginpapungko it Dyos sa anang tuo bilang pinakapinuno ag Maneueuwas agod taw-an nana kita nga mga inapo ni Israel it kahigayunan nga makahinuesoe ag talikdan ro atong mga saea agod mapatawad kita.

2 Pedro 3:9

Kon makaruyon, indi naton mahambae nga ulihi ro Ginuo sa pagtuman ku anang promisa nga magabalik imaw, bisan makaruyon ro ginahambae it iba. Pero ro matuod hay nagapasensya imaw kinyo, ay owa imaw naila nga may bisan sambilog nga hipinahan sa impyerno, kundi ro anang gusto hay maghinuesoe ag magtalikod ro tanan nga tawo sa andang mga kasae-anan.