Lucas 5:29 - Inkeanon

²⁹ Ku ulihi hay naghiwat it engrande nga handaan si Levi sa ana nga baeay para sa pagpadungog kay Jesus. Abo nga mga *manogsukot it buhis nga andang bisita ag iba pang mga tawo ro nagdungan kanda sa pagkaon.

Lucas 5:29 Iomraidhean Croise

Mateo 11:19

Ako ma't-a nga Unga it Tawo hay gakaon ag gainom sa mga okasyon ag sinanda ku mga tawo hay ‘Haron ro sueok ag paeahilong ag nagaamigo pa sa mga manogluko nga *manogsukot it buhis ag sa ibang mga makasasaea.’ Pero di bali tungod ro kaaeam it Dyos hay mapamatud-an nga tama paagi sa matarong nga pagpangabuhi ku mga nagasunod karon.”

Mateo 5:46

Ham-an gid abi nga premyuhan kamo it Dyos kon ro inyo eang nga ginahigugma hay ro nagahigugma man kinyo? Gahigugma man ngani ro mga manogluko nga *manogsukot it buhis sa mga nagahigugma kanda, bukon abi?

Mateo 9:10

Ku ulihi, nagkaon si Jesus sa baeay ni Mateo. Abo nga *manogsukot it buhis ag iba pa nga mga ginabilang it tawo nga makasasaea nga nagkaon kaibahan nanday Jesus ag ku anang mga sumueunod.

Mateo 9:9

Pagkatapos, nagpanaw si Jesus. Tag nagatikang imaw, hakita nana ro *manogsukot it buhis nga si Mateo ro ngaean nga nagapungko sa anang opisina nga ginabayaran it buhis. Ginhambae imaw ni Jesus, “Mali eon ay obrahon ko ikaw nga akon nga sumueunod.” Nagtindog dayon si Mateo ag nagsunod kay Jesus agod mangin ana nga sumueunod.

Marcos 2:15

Ku ulihi, nagkaon si Jesus sa baeay ni Levi. Abo nga *manogsukot it buhis ag iba pa nga mga ginakabig nga makasasaea nga nagkaon kaibahan nanday Jesus ag ku anang mga sumueunod. Kato abi hay abo eon nga nagasunod-sunod kay Jesus nga mga makaratong klasing tawo.

Lucas 15:1

Permi nga nagainadto kay Jesus ro kaabo-abo nga *manogsukot it buhis ag iba pang ginakabig nga mga makasasaea agod magpamati sa anang pagturo.

Juan 12:2

May nagpaihapon idto bilang pagpadungog kay Jesus. Nagserbi si Marta, ag si Lazarus hay isaea sa mga kaibahan nanday Jesus sa pagkaon.

1 Corinto 10:27

Kon kangayon kamo it sangka bukon it tumueuo nga magkaon sa anda ag gusto man ninyo, adto kamo ag kan-a ro bisan ano nga ginadat-on kinyo. Ayaw eon magpangutana kon ro pagkaon ngato hay ginhaead sa diyos-diyos o owa.