Lucas 5:27 - Inkeanon

²⁷ Pagkataliwan it pilang adlaw, nagpanaw si Jesus. Tag nagatikang imaw, hakita nana ro *manogsukot it buhis nga si Levi ro ngaean nga nagapungko sa anang opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.”

Lucas 5:27 Iomraidhean Croise

Mateo 10:3

si Felipe, si Bartolome, si Tomas, si Mateo nga *manogsukot it buhis, si Santiago nga unga ni Alfeus, ag si Tadeus,

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 8:22

Nagsabat si Jesus, “Sunod eon kakon ag pabay-i't-a ro mga patay sa panueok it Dyos nga mageubong ku andang patay.”

Marcos 3:18

Kaibahan man si Andres, si Felipe, si Bartolome, si Mateo, si Tomas, si Santiago nga unga ni Alfeus, si Tadeus, si Simon (nga isaeang ka rebelde anay sa paggobyerno it Roma),

Lucas 18:22

Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”