Lucas 5:24 - Inkeanon

²⁴ Pero pamatud-an ko kinyo nga ako nga *Unga it Tawo hay may otoridad nga magpatawad it mga saea iya sa kalibutan.” Ginhambae dayon nana ro paralitiko, “Bangon, hakwata ro imong eugban ag umuli.”

Lucas 5:24 Iomraidhean Croise

Mateo 16:13

Nagpadayon sanday Jesus it panaw hasta nakaabot sanda sa mga lugar nga kaiping it Cesarea Filipos. Tag idto eon sanda hay ginpangutana ni Jesus ro anang mga sumueunod, “Sin-o kuno ako nga Unga it Tawo kon sa mga tawo?”

Mateo 25:31

Naghambae pa gid si Jesus, “Kon magbalik eon ako nga Unga it Tawo nga may grabi nga kasilaw ag kaibahan ku tanan nga mga anghel hay magapungko dayon ako sa akon nga trono ag magahari nga may kadungganan nga indi matupungan.

Mateo 26:64

Nagsabat si Jesus, “Ako gid ma't-a. Pero ginahambae ko kinyo nga sa ulihi hay hikita ninyo ako nga Unga it Tawo nga nagapungko sa pinakadungganon nga pwesto sa tuo it Makagagahom nga Dyos. Ag hikita man ninyo ako sa daeaura sa akong pagbalik sa kalibutan.”

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Mateo 4:24

Nangin bantog si Jesus hasta sa lugar it Syria ngani nag-adto kana ro mga tawo daea ro tanan nga mga masakiton, ro mga nagaantos it grabi nga kasakit sa sari-sari nga baeatian, ro mga ginsudlan it demonyo, ro mga kueueuon, ag ro mga paralitiko. Ginpamayad sanda tanan ni Jesus.

Mateo 9:6

Pero pamatud-an ko kinyo nga ako nga Unga it Tawo hay may otoridad nga magpatawad it mga saea iya sa kalibutan.” Ginhambae rayon nana ro paralitiko, “Bangon, hakwata ro imong eugban ag umuli.”

Lucas 5:13

Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku tawo ngato.

Lucas 5:18

May nag-abot dayon nga mga tawo nga may ginaeayungan nga paralitiko. Anda kunta imaw nga ginadaea sa sueod it baeay ag ibutang sa atubang ni Jesus,

Lucas 5:23

Ano ro mas maeumo nga ihambae? ‘Ginpatawad eon ro imong mga saea’ ukon, ‘Bangon ag magtikang’?

Lucas 7:14

Nagpaeapit dayon si Jesus ag ginbuytan ro papag nga ginabutangan it patay ag nagpundo ro mga nagadaea kato. Pagkatapos, ginhambae ni Jesus rondatong solterito nga namatay, “Toto, ginahambae ko kimo nga magbangon ka.”

Lucas 8:54

Pero ginbuytan ni Jesus ro alima ku unga ag ginhambae it mabaskog, “Nene, magbangon ka!”

Juan 11:43

Pagkahambae nana kara hay nagsinggit dayon imaw it mabaskog, “Lazarus, guwa iya!”

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 3:13

Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 5:27

Gintaw-an man nana ako it otoridad nga maghukom sa mga tawo tungod ako ro Unga it Tawo.

Mga Binuhatan 14:10

Ngani ginhambae imaw it mabaskog ni Pablo, “Tindog!” Matsa pumisik ro tawo ngato halin sa anang ginalingkuran ag nagtinikang paadto-pabalik.

Mga Binuhatan 5:31

Rayang si Jesus hay ginpapungko it Dyos sa anang tuo bilang pinakapinuno ag Maneueuwas agod taw-an nana kita nga mga inapo ni Israel it kahigayunan nga makahinuesoe ag talikdan ro atong mga saea agod mapatawad kita.

Mga Binuhatan 9:34

Ginhambae imaw ni Pedro, “Eneas, ginapamayad ka eon ni Jesu-Kristo. Bangon ag himuson ro imong eugban.” Bumangon eagi si Eneas.

Mga Binuhatan 9:40

Ginpaguwa sanda tanan ni Pedro ag nageuhod dayon imaw ag nagpangamuyo. Pagkatapos, nag-atubang imaw sa patay ag ginhambae, “Tabita, bangon!” Nagmukeat si Tabita ag pagkakita nana kay Pedro hay nagbangon imaw ag nagpungko.

Pahayag 1:13

Sa tunga ku pitong ka tueungtungan it lampara ngato hay may nagatindog nga matsa *Unga it Tawo nga nagasuksuk it mahaba nga eambong nga hasta sa anang kitin ag may tela nga bueawan nga nakabakos sa anang dughan.