Lucas 5:17 - Inkeanon

¹⁷ Kaisaea kato, tag nagaturo si Jesus, may idto man nga mga *Pariseo ag mga *maestro it Kasuguan it Dyos nga nagapungko idto ag nagapamati. Idto pa sanda naghaealin sa mga kabaryuhan ku mga probinsya it Galilea ag Judea, ag pati man sa Jerusalem. Una kay Jesus ro gahom it Dyos agod makapamayad it mga nagamasakit.

Lucas 5:17 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 15:1

Isaeang adlaw, may nag-adto kay Jesus nga mga Pariseo ag mga maestro it Kasuguan nga naghalin pa sa Jerusalem. Ginpangutana nanda imaw,

Marcos 1:45

Nagpanaw ro tawo pero ginsinugid nana sa tanan nga anang hisubeang kon paalin imaw ginpamayad ni Jesus. Ngani si Jesus hay indi eon makapanaw it hayag sa mga banwa. Mawron nga idto imaw nagtenir sa mga lugar nga owa it kabeayan. Ugaling hay abo gihapon nga mga tawo ro nag-agto idto kana halin sa iba-ibang mga lugar.

Marcos 16:18

Kon makabuyot sanda it sawa o makainom it makahieilo nga ilimnon hay indi sanda maalin. Kon magtungtung sanda ku andang alima sa mga nagamasakit hay magamayad ruyong mga nagamasakit.”

Marcos 3:22

May mga maestro man it Kasuguan nga naghalin sa Jerusalem nga naghinambae sa mga tawo, “Ginagamhan imaw ni Beelzebul. Paagi eang sa gahom ku pinuno ngaron it mga demonyo imaw makasuboe it mga demonyo.”

Marcos 5:30

Nakabatyag eagi si Jesus nga may nagguwa nga gahom kana ngani umatubang imaw ag nagpangutana sa mga tawo, “Sin-o ro nagtabing ku akon nga eambong ay?”

Marcos 7:1

Kaisaea kato, ginpaeapitan si Jesus it mga Pariseo ag ku mga maestro it Kasuguan nga idto naghalin sa Jerusalem.

Lucas 15:2

Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 2:46

Kat ikatatlong adlaw eon hay hakit-an nanda si Jesus sa *lagwirta it Templo. Gapungko imaw kaibahan ku mga ginatahod nga mga maestro it mga Judio. Nagapamati imaw kanda ag nagapangutana man.

Lucas 5:21

Sa paino-ino it mga maestro it Kasuguan ag ku mga Pariseo, “Matsa kon sin-o gid imaw ra nga ana't-a nga tupungan ro Dyos! Sin-o eang ro makapatawad it mga saea kundi ro Dyos man lang?”

Lucas 5:30

Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda.

Lucas 6:19

Ngani ro tanan nga tawo idto hay nagtininguha nga matabing si Jesus, ay nagaguwa eang kana ro gahom ag nagamayad dayon sanda tanan.

Lucas 7:30

Pero ginbaliwala ku mga Pariseo ag mga maestro it Kasuguan ro plano it Dyos para kanda mawron nga owa sanda nagpabawtismo kay Juan.

Lucas 8:46

Pero nagsabat si Jesus, “May nagtabing gid-a kakon ay habatyagan ko nga may gahom nga nagguwa kakon.”

Juan 3:10

Nagsabat si Jesus, “Ginatahod ka pa man nga maestro ku mga inapo ni Israel, pero owa ka't-ing gali kaeubot kara?

Juan 3:21

Pero ro tawo ma't-a nga ro buhat hay matarong hay nagapaeapit sa Iwag agod masayran nga ro anang buhat nga matarong hay anang ginahimo sa bulig it Dyos.”

Mga Binuhatan 19:11

Samtang idto si Pablo sa Efeso hay mga makangawa-ngawa gid ro mga milagro nga gin-obra it Dyos paagi kana.

Mga Binuhatan 4:30

Pakitaan ro imong gahom sa pagpamayad namon it mga masakit ag sa paghimo namon it mga makangawa-ngawa ag milagroso nga pamatuod paagi sa gahom ku imong balaan nga sueuguon nga si Jesus.”

Mga Binuhatan 5:34

Pero nagtindog ro sambilog kanda nga isaeang ka *Pariseo nga si Gamaliel ro ngaean. Maestro imaw ra it Kasuguan ag ginataha it tanan. Ana anay nga ginpapaguwa ro mga apostoles.