Lucas 4:5 - Inkeanon

⁵ Pagkatapos, gindaea imaw ni Satanas sa mataas nga lugar ag sa sang pamisok hay ginpakita kana ro tanan nga mga nasyon sa bilog nga kalibutan.

Lucas 4:5 Iomraidhean Croise

Mateo 24:14

Ag ro Mayad nga Balita ngara parti sa paghari it Dyos hay igawali sa bilog nga kalibutan agod ipasayod sa tanan nga mga rasa it tawo kon paalin sanda matapoe sa anang mga sinakpan. Pagkatapos hay maabot eon dayon ro katapusan it kalibutan.”

Mateo 4:8

Pagkatapos hay gindaea imaw ni Satanas sa kataas-taas nga bukid ag ginpakita kana ro tanan nga nasyon sa bilog nga kalibutan ag ro andang kadungganan.

1 Corinto 15:52

Matabo ron it kadasig pareho it sang pamisok eang kon magtunog ro katapusan nga trumpeta it Dyos. Sa pagtunog abi it trumpeta ngaron hay mabanhaw ro mga namatay ag taw-an it eawas nga indi eon mamatay. Ag ro mga buhi pa sa tyempo ngaron hay bag-uhon man ro andang mga eawas.

1 Corinto 7:31

Matuod nga magamit naton ro mga bagay iya sa kalibutan nga para sa atong kamaeayran ugaling dapat nga bukon it dikaron nasentro ro atong isip dahil maabot ro oras nga ro bilog nga sistema it atong pagpangabuhi makaron iya sa kalibutan hay maduea.

2 Corinto 4:17

Ro among ginaagihan nga kalisod makaron hay owa sa kumaingking kon ikompara sa kon ano ro atong mabaton sa ulihi. Ro mga kalisod abi ngaron hay magaresulta sa sobrang kanami nga kahimtangan sa eangit nga indi matupungan ag owa it katapusan.

Mga TagaEfeso 2:2

Makaruyon anay kamo kato, ay nagasunod pa kamo sa maeain nga batasan ku mga tawo iya sa kalibutan. Ro inyong pagsunod ngaron hay pagsunod man sa pinuno it tanan nga maeain nga espirito nga nagagahom sa kahanginan, ag imaw man ro espirito nga nagatueod sa mga owa nagatuman sa Dyos nga magkasaea.

Mga TagaEfeso 6:12

Ginahambae ko ra ay owa kita nagapakig-away sa tawo kundi sa mga pinuno it mga maeain nga espirito, sa iba pa nga may otoridad, sa mga nagagahom sa mga tawo nga una pa sa kadueom sa rayang kalibutan, ag sa mga maeain nga espirito nga una sa kahanginan.