Lucas 4:41 - Inkeanon

⁴¹ Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.

Lucas 4:41 Iomraidhean Croise

Mateo 26:63

Pero naghinipos eang si Jesus. Ginhambae eon man imaw ku pinakapinuno nga saserdote, “Magsumpa ka sa ngaean it buhi nga Dyos nga magasugid ka it matuod kon ikaw ro Unga it Dyos, ro Maneueuwas nga anang ginpromisa.”

Mateo 4:3

Pagkatapos, nag-abot ro Panueay ag naghambae kana, “Dahil Unga ka it Dyos, sugua rondayang mga bato nga mangin tinapay.”

Mateo 8:16

Pagkatunod it adlaw, abo nga mga tawo ro nagdaea kay Jesus it mga ginsudlan it demonyo. Sa anang hambae eang hay ginsuboe ni Jesus ro mga maeain nga espirito sa mga tawo ngato, ag ana man nga ginpamayad ro tanan nga mga nagabaeatian.

Mateo 8:29

Pagkakita nanda kay Jesus hay nagsiyagit sanda nga daywa, “Ayaw kami pag-intrahi, Unga it Dyos. Imo eo't-a baea kami nga pasakitan bisan owa pa ro oras?”

Mateo 8:4

Ginhambae imaw ni Jesus, “Ayaw gid magsugid kara bisan kanyo pero umadto ka dayon sa saserdote ag magpatan-aw. Maghaead ka dayon sa Dyos it mga haead sa pagtuman sa kasuguan nga ginsueat ni Moises, bilang pamatuod sa mga tawo nga mayad ka eon.”

Marcos 1:25

Pero ginsaway imaw ni Jesus. Hambae nana, “Hipos! Guwa kana!”

Marcos 1:32

Pagkatunod it adlaw hay gindaea it mga tawo kay Jesus ro tanan nga nagamasakit ag ro mga ginsudlan it demonyo.

Marcos 1:34

ag abo nga mga tawo nga may sari-saring mga masakit ro ginpamayad ni Jesus. Ana man nga ginsuboe ro kaabo nga mga demonyo, ag owa gid nana pagsugti sanda nga makahambae ay kilaea nanda kon sin-o gid imaw.

Marcos 3:11

Ag kon hikita ngani imaw it mga maeain nga espirito nga una sa eawas it mga tawo hay anda nga ginapahapa ag ginapasiyagit ro mga tawo nga andang ginsudlan ag ginapahambae it mabaskog, “Ikaw ro Unga it Dyos!”

Lucas 4:39

Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Santiago 2:19

Eaom mo hay may pagtuo ka dahil nagapati ka nga may sambilog eang nga Dyos. Matuod nga may sambilog eang nga Dyos ugaling ro pagpati eang karon hay kueang ay bisan ngani ro mga demonyo hay nagapati man karon ag nagapaeangurog pa sa kahadlok sa pina nana kanda sa ulihi.