Lucas 4:35 - Inkeanon

³⁵ Pero ginsaway imaw ni Jesus. Hambae nana, “Hipos! Guwa kana!” Ginpatumba ku maeain nga espirito ro tawo ngato sa atubang nanday Jesus. Nagguwa dayon sa tawo ro maeain nga espirito ag owa gid maalin ratong tawo.

Lucas 4:35 Iomraidhean Croise

Mateo 17:18

Ginsugo ni Jesus ro demonyo nga magguwa sa unga. Nagguwa rato ag halin kato, ro unga hay owa eon pagkueua.

Mateo 8:26

Naghambae dayon si Jesus kanda, “Ham-an it nahadlok kamo? Kueang 't-a gihapon ro inyong pagtuo kakon.” Bumangon dayon imaw, ginsugo nga magpundo ro hangin ag magkalma ro humbak, ag insigida hay nangin kalmado nga mayad ro dagat.

Marcos 1:26

Ginpawaeas dayon it maeain nga espirito ratong tawo ag suminggit it mabaskog bago nagguwa.

Marcos 4:39

Bumangon si Jesus ag ginsugo ro hangin. Sinana, “Pundo eon!” Ginhambaean man nana ro dagat, “Maglinong ka!” Ag insigida hay nagpundo ro hangin ag nangin kalmado nga mayad ro dagat.

Marcos 9:26

Sumiyagit ro maeain nga espirito ag pinawaeas ro unga bago gumuwa. Matsa patay eon kon tan-awon ro unga ngani kaeabanan ku mga tawo hay naghambae, “Ay, patay eo't-a!”

Lucas 11:22

Pero kon gubaton imaw it mas makusog pa kana ag maperdi imaw, agawon dayon kana ro anang armas nga anang ginasaligan nga makadepensa kana. Pagkatapos hay pangeuguson dayon kana ro anang mga pagkabutang ag ipanueupod ku nageugos ngato sa anang mga kaibahan.

Lucas 4:23

Naghambae si Jesus kanda, “Sigurado ako nga ihambae man ninyo kakon ro haeambaeunon nga, ‘Doktor, buenga ro imong kaugalingon.’ Ag inyo man ako nga hambaeon nga, ‘Obraha iya sa imong banwang ginbahuean ro tanan nga milagro nga among habatian nga gin-obra nimo sa syudad it Capernaum.’

Lucas 4:39

Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.

Lucas 4:41

Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.

Lucas 8:24

Nagpaeapit kay Jesus ro anang mga sumueunod ag anda imaw nga ginpukaw. Sinanda, “Sir! Sir! Mamatay 't-a kita kara!” Bumangon si Jesus ag ana nga ginsugo nga magpundo ro hangin ag magkalma ro daeagko nga humbak. Pumundo eagi ro hangin ag nagkalma man ro dagat.

Lucas 9:39

Permi imaw nga ginaatake it maeain nga espirito ag gulpi eang dayon imaw nga nagasiyagit ag ginapawaeas imaw ag nagabuea ro anang ba-ba. Haeos indi imaw pag-aywanan ku maeain nga espirito ag mat binakoe eon dayon ro anang eawas.

Lucas 9:42

Tag nagapaeapit kay Jesus ro unga, ginpatumba ra it demonyo ag ginpawaeas. Pero ginsugo ni Jesus ro maeain nga espirito ngato nga magguwa sa unga. Pagkatapos, nagmayad eon dayon ro unga ag gin-intrigar ra ni Jesus sa anang tatay.

Pahayag 12:12

Ngani magkalipay kamo tanan nga nagaistar iya sa eangit! Pero makangingidlis ro matabo kinyo nga inha sa kalibutan ag sa kadagatan, tungod inha kinyo nanaog si Satanas. Naakig imaw it duro ay sangkiri eon lang ro anang oras nga habilin agod himuon ro anang gusto.”