Lucas 4:25 - Inkeanon

²⁵ Pareho anay kay propeta Elias. Owa gid kato nag-uean it tatlong dag-on ag tunga ngani may grabi nga tig-gueutom sa tanan nga kabanwahan sa bilog nga nasyon. Matuod nga abo man ro bayi nga baeo iya sa Israel ku rato nga tyempo

Lucas 4:25 Iomraidhean Croise

Mateo 20:15

Bahala't-ang ron kon alinon ko ro akong kwarta ay akon ma't-a. O basi nahisa eang kamo ay maatag ako.’ ”

Lucas 10:21

Ku rato man mismo nga oras, si Jesus hay ginpalipay it duro ku Espirito Santo ngani nagpangamuyo imaw, “Ama, ikaw nga Ginuo ku tanan sa eangit ag sa kalibutan, ginapasaeamatan ko ikaw tungod nga ginlipod nimo rondayang mga kamatuuran sa may mga tinun-an nga nagaeaom nga mga maaeam sanda, pero ginpahayag mo ra sa mga tawo nga mapainubuson ag naila magpaturo pareho it mga unga. Tama ring ginhimo ngaron, Ama. Ginhimo mo nga makaruyon ron dahil nakapalipay ron kimo.”

Mga TagaRoma 9:15

Dumduma ro anang ginhambae kay Moises, “Kaeuy-an ko ro akong gustong kaeuy-an ag kabaeak-an ko ro akong gustong kabaeak-an.”

Mga TagaRoma 9:20

Pero ro akon nga mahambae hay raya: sin-o gid abi ro tawo nga basueon na ro Dyos? Makabasoe baea ro kueon sa manogkueon nga hambaeon nana nga bulok 't-a mana ro imong pag-obra kakon?

Mga TagaEfeso 1:11

Ro tanan nga butang hay ginhimo it Dyos suno sa ana nga plano ag pagbuot. Ag suno sa ana nga plano kato pa, ginpili nana kita nga mangin anang katawhan nga may maeueot nga kaangtanan kay Kristo

Mga TagaEfeso 1:9

Ro anang plano ngaron hay owa anay kato ginpahayag pero makaron hay nalipay imaw nga ipahayag ron katon. Kato pa eagi hay ginplano na eon nga tumanon ron paagi kay Kristo.

Santiago 5:17

Dumduma ninyo si Elias nga propeta kato anay. Ordinaryo eang imaw nga tawo nga may kinaiya nga pareho katon. Nagpangamuyo imaw it hantop sa anang tagipusuon nga indi mag-uean ag owa matuod mag-uean sa sueod it tatlong dag-on ag tunga.

Pahayag 11:6

May anda man ra nga gahom nga pugngan ro uean sa bilog nga tyempo nga ginatagna nanda ro mga ginapasayod it Dyos nga matabo. May gahom man sanda ra agod obrahon nga dugo ro mga tuburan ag mga suba. Ag may gahom man sanda nga pasakitan ro mga tawo it bisan ano nga klasi it kaeaeat-an bisan hin-uno nanda gusto.