Lucas 4:20 - Inkeanon

²⁰ Pagkatapos ni Jesus it basa, ana nga ginbalilin ratong kasueatan ag ginbalik sa manogbulig sa sinagoga ag nagpungko imaw agod magturo. Owa gid gahalin kana ro panueok ku tanan nga mga tawo sa sueod it sinagoga.

Lucas 4:20 Iomraidhean Croise

Mateo 26:55

Ginhambae dayon ni Jesus ro kaabo ngato nga mga tawo, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon. Adlaw-adlaw hay idto ako sa Templo nagalingkod ag nagaturo pero owa ninyo ako kato pagdakpa.

Mateo 27:60

Ginbutang dayon rato ni Jose sa eueubngan nga anang bag-ong pasinsil sa dalipi nga anang ginpaobra para sa anang kaugalingon. Pagkatapos hay ana dayon nga ginpaligiran it mabahoe nga bato ro pwertahan kato agod sadhan ag pumanaw dayon imaw.

Lucas 19:48

Pero owa sanda it mahimo ay nawili gid magpinamati kana ro tanan nga mga tawo.

Lucas 4:17

gintao kana ro nakabalilin nga kasueatan nga ginsueat ni Propeta Isaias. Ginbukad ni Jesus rato ag nakita nana kon siin nasueat raya:

Lucas 4:21

Nagturo dayon imaw sa mga tawo. Hambae nana, “Nagakinatuman eon makaron rondatong parti it Sagrado nga Kasueatan nga habatian ninyo nga ginbasa ko kinyo.”

Lucas 5:3

Nagsakay si Jesus sa sambilog sa mga baroto idto. Ro tag-ana ku baroto ngato hay si Simon. Ana dayon nga ginpangabay si Simon nga itikeod sa madaeom-daeom ro baroto. Pagkatapos, nagpungko imaw sa baroto ag nagturo sa mga tawo nga idto sa baybayon.

Juan 8:2

Pagkaaga-aga hay nagbalik imaw sa *lagwirta it Templo. Tag idto eon imaw hay gintueumpukan imaw it mga tawo, ngani nagpungko imaw ag gintinud-an sanda.

Mga Binuhatan 16:13

Nakasayod kami nga may lugar kon siin may mga nagatilipon agod magpangamuyo. Idto rato sa guwa it syudad, sa may pangpang it suba. Ngani tag Adlaw it Inogpahuway hay nag-adto kami idto. Pag-abot namon idto hay nagpungko kami ag nag-istorya sa mga bayi nga nagtilipon idto.

Mga Binuhatan 3:12

Pagkakita kara ni Pedro hay naghambae imaw, “Mga kadugo ko nga mga inapo ni Israel, ham-an it hangawa gid kamo sa natabo ngara? Ag ham-an it makaruyon gid ro inyong tueok kamon? Eaom baea ninyo nga paagi sa among gahom o pagkamatarong hay hapatikang namon ro tawo ngara?