Lucas 4:18 - Inkeanon

¹⁸ “Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Lucas 4:18 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 12:18

“Hara ro akon nga ginpili nga magserbi kakon. Imaw ro akong palangga ag nalipay gid ako it duro kana. Pagamhan ko imaw permi sa akong Espirito ag ipahisayod nana sa tanan nga rasa it tawo kon paalin sanda mangin matarong sa panueok it Dyos.

Mateo 12:20

Indi nana pag-utdon ro tigbaw nga basag eon ag indi nana pagpaengon ro nagakilo-kilo nga iwag. Padayunon nana ro pagkamaeueoy-on ag pagkamabuot hasta nga ro tanan nga kaeainan hay maperdi ku pagkamatarong nga ginatao it Dyos.

Mateo 4:16

ro mga tawo sa mga lugar ngato hay matsa nagakabuhi sa kadueom pero may hakita eon sanda nga grabing kahayag. Owa sanda it pageaom dahil owa sanda it ibang dangaton kundi kamatayon, pero pareho man ku pagbutlak it adlaw sa agahon hay nahayagan man ro andang paino-ino.”

Mateo 5:3

“Bulahan ro mga nagaako nga owa sanda it mahimo kon owa ro Dyos, ay sanda ro itapoe sa anang mga sinakpan.

Lucas 4:17

gintao kana ro nakabalilin nga kasueatan nga ginsueat ni Propeta Isaias. Ginbukad ni Jesus rato ag nakita nana kon siin nasueat raya:

Lucas 6:20

Tapos, nagtan-aw si Jesus sa kaabo-abo nana ngato nga mga sumueunod ag naghambae, “Bulahan kamo nga mga kubos ay matapoe kamo sa mga sinakpan it Dyos.

Lucas 7:22

Ginsabat ni Jesus sanda, “Balik kamo kay Juan ag sugiran imaw ku inyo nga mga hakita ag habatian. Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Juan 1:41

Ro una nanang gin-obra hay gin-usoy na ro ana mismong igmanghod nga si Simon agod sugiran. Pagkita nanda, hambae ni Andres, “Nakita eon namon ro Mesias” (nga nagakahueugan nga “Kristo,” ro Maneueuwas nga Ginpromisa it Dyos).

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga Binuhatan 4:26

Ro mga hari iya sa kalibutan hay nagpahaom nga magpakig-away, ag ro mga pinuno hay nag-ugyon kuntra sa Ginuong Dyos, ag sa anang ginpromisa nga Maneueuwas.’

Mga Binuhatan 4:27

Natuman gid ra iya mismo sa among syudad ay nag-aeapinan sanday *Herodes, Poncio Pilato, ro mga bukon it Judio ag ro among mga kadugo nga mga inapo ni Israel kuntra kay Jesus nga imong balaan nga sueuguon, nga imong ginbutang nga Maneueuwas.

Mga TagaColosas 1:13

Ana kita nga gineuwas sa gahom ni Satanas nga nagahari sa mga tawo nga una pa sa kadueom it saea, ag ana kita nga ginsaylo sa paggahom ku anang palangga nga Unga.

Santiago 2:5

Pamati kamo, mga pinalangga ko nga igmanghod sa pagtuo! Bukon abi it abo sa mga pobre iya sa kalibutan hay ginpili it Dyos agod mangin manggaranon sa pagtuo kana? Ag bukon abi it itapoe sanda sa anang mga sinakpan ay duyon ro anang ginpromisa sa mga nagahigugma kana?

1 Pedro 2:9

Pero kamo't-a hay natapoe sa katawhan it Dyos nga anang pinili ag ana nga ginabilang nga bag-o nga rasa. Mga harianon man kamo nga mga saserdote. Ginpaeain kamo nana agod mangin anang balaan nga rasa. Gintawag nana kamo nga talikdan ro kadueom it saea ag magpangabuhi sa anang makangawa-ngawa nga kahayag. Ag ro anang tuyo hay agod nga isugid ninyo permi sa iba ro anang grabi it nami nga mga ginhimo para kinyo.