Lucas 4:1 - Inkeanon

¹ Ginagamhan eon si Jesus it Espirito Santo tag naghalin imaw sa suba it Jordan. Gin-giyahan dayon imaw it Espirito Santo nga mag-adto sa *disyerto.

Lucas 4:1 Iomraidhean Croise

Mateo 3:16

Pagkabawtismo kay Jesus hay nagbutwa imaw. Pagkabutwa nana hay nagbukas dayon ro eangit ag nakita nana ro Dyos Espirito Santo nga nagapanaog nga kaitsura it salampati ag naghapon kana.

Lucas 2:27

Ginpaadto si Simeon ku Espirito Santo sa Templo ku ruyon man nga adlaw nga gindaea nanday Jose ro eapsag nga si Jesus agod tumanon ro ginapasunod it Kasuguan parti sa mga eapsag.

Lucas 3:3

Ngani naglibot si Juan sa tanan nga lugar sa libot it suba it Jordan ag nagwali sa mga tawo nga dapat sandang maghinuesoe ag magtalikod sa andang mga saea, ag magpabawtismo agod patawaron sanda it Dyos.

Lucas 3:38

Si Cainan hay unga ni Enosh nga unga ni Set. Si Set hay unga ni Adan nga unga it Dyos.

Lucas 4:14

Nagbalik si Jesus sa probinsya it Galilea. Ginagamhan gid imaw ku Espirito Santo ag nangin bantog imaw sa bilog nga Galilea hasta sa palibot nga mga probinsya.

Lucas 4:18

“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Juan 1:32

Ginsugid dayon ni Juan ro anang nasaksihan. Hambae nana, “Kato, owa ko man masayri nga imaw gali ro ginpromisa it Dyos. Pero ro Dyos nga nagsugo kakon nga magpangbawtismo it tubi hay imaw man ro naghambae kakon, ‘Kon kanyo mo makita ro Espirito Santo nga magapanaog ag magapabilin hay ruyon ro magapangbawtismo it Espirito Santo sa mga tawo.’ Ag nakita ko gid ro Espirito Santo nga nagpanaog halin sa eangit nga kahitsura it salampati ag nagpabilin kana.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 8:39

Pagkatakas nanda hay gulpi eang nga naduea si Felipe ay ginbuoe imaw it Espirito it Ginuong Dyos. Owa eon imaw hakita it opisyal pero nagpadayon imaw sa anang pagpamanawon nga nalipay it duro.