Lucas 3:18 - Inkeanon

¹⁸ Abo pa't-a nga mga makaruyon ro anang ginhambae sa mga tawo sa anang pagwali kanda ku Mayad nga Balita.

Lucas 3:18 Iomraidhean Croise

Lucas 3:17

Ana eon nga paeainon ro mga matarong nga tawo sa mga maeain pareho it mangunguma nga haom eon nga magpahangin ku anang tubas. Anang tipunon ro matimgas nga eamigas ag taguon sa anang bodega. Pero ro mga upa hay ana nga iitsa sa kaeayo nga owa nagakapaeong.”

Lucas 3:19

Bisan pa ngani si Gobernador Herodes hay ginbinadlong ni Juan tungod gin-asawa ni Herodes ro ana mismong hipag nga si Herodias ag dahil man sa iba pa nanang mga maeain nga ginaobra.

Juan 1:15

Nagwali si Juan nga Manogbawtismo parti kana. Hambae ni Juan, “Imaw ra ro akong ginapatungdan sa akong ginhambae kinyo nga may maabot masunod kakon nga eabaw pa kakon, tungod una eon imaw bago pa ako natawo.”

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 1:34

Nakita ko gid ron ngani ginahambae ko kinyo nga imaw matuod ro Unga it Dyos.”

Mga Binuhatan 2:40

Ag abo pa ro mga ginturo ni Pedro sa mga tawo ag ginhininyo nana sanda nga batunon ro anang ginaturo. Hambae pa gid nana “Magtuo kamo agod maeuwas kamo sa pina nga maabot sa mga tawo sa inyo makaron nga henerasyon nga mga balingahag it paino-ino.”

Mga Binuhatan 20:2

Ana man nga ginpalig-on ro buot ku mga tumueuo sa mga lugar nga anang gin-agyan sa Macedonia paagi sa anang mga ginpangwali. Halin sa Macedonia, nagpadayon imaw hasta nakaabot imaw sa Acaya nga ginatawag man nga Grecia.

Mga TagaRoma 12:8

Kon ro imong abilidad hay ro pagpabaskog sa buot it iba, gamita ron. Kon pagbulig sa gakinahangean, magbulig ka nga may kaalwan. Kon pagdumaea sa iba, magdumaea ka nga may kahugod. Kon pagkaeuoy sa mga kubos, buligi sanda nga may kalipay.