Lucas 3:16 - Inkeanon

¹⁶ Naghambae kanda si Juan, “Ginabawtismuhan ku kamo it tubi pero may maabot nga mas eabaw pa kakon nga bisan gahubad eon lang ku higot it anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Lucas 3:16 Iomraidhean Croise

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Mateo 3:12

Ana eon nga paeainon ro mga matarong nga tawo sa mga maeain pareho it mangunguma nga haom eon nga magpahangin ku anang tubas. Anang tipunon ro matimgas nga mga eamigas ag taguon sa anang bodega. Pero ro mga upa hay anang iitsa sa kaeayo nga owa nagakapaeong.”

Juan 1:26

Ginsabat sanda ni Juan, “Nagapangbawtismo ako it tubi, pero may iya eon makaron nga kaibahan ninyo nga owa pa ninyo hikilan-i.

Juan 1:27

Imaw ro maabot masunod kakon nga mas eabaw pa kakon nga bisan gahubad eon lang ku higot it anang sandalyas hay bukon ako it takos.”

Juan 7:38

Ro matabo sa mga nagatuo kakon hay pareho sa ginahambae sa Sagradong Kasueatan nga ‘Halin sa sueod nana hay may magabusawak nga tubi nga gatao it minatuod nga kabuhi.’ ”

Mga Binuhatan 1:5

Nagbawtismo si Juan it tubi pero kamo't-a, sa indi magbuhay hay ro Espirito Santo't-a ro ibawtismo kinyo.”

Mga Binuhatan 10:44

Samtang nagahinambae pa si Pedro hay gulpi eang nga nagkunsad ro Espirito Santo sa tanan nga nagapamati sa anang ginahambae.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

1 Corinto 12:13

Kita tanan, Judio man kita o bukon, ulipon man o bukon hay ginabawtismuhan sa sangka Espirito agod mangin sangka eawas eang, ag tanan kita hay ginaistaran it Espirito Santo ngara.