Lucas 3:11 - Inkeanon

¹¹ Nagsabat si Juan, “Kon daywa ro imong eambong, taw-an ro sambilog sa owa. Kon may pagkaon ka, taw-i man ro owa.”

Lucas 3:11 Iomraidhean Croise

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Lucas 11:41

Dapat ninyo nga limpyuhan ro maeain nga una sa inyong kabubut-on ag magtao kamo sa mga imoe nga owa ginamunti it inyong buot. Bukon eang dayon it ro inyong mga buhat nga makita ro mangin limpyo sa mata it Dyos kundi pati ro inyong kabubut-on.

Lucas 18:22

Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Lucas 19:8

Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.”

Juan 13:29

Eaom ku iba hay ginapabakae ni Jesus si Judas it iba pa nandang kinahangeanon sa Pagtililipon, o basi may ginapatao imaw sa mga pobre, bangod si Judas ro gabuyot ku andang kwarta.

Mga Binuhatan 10:2

Nagataha ag nagasimba sa Dyos si Cornelius pati man ro anang panimaeay. Imaw ra hay nagabinulig gid sa mga ginakueang ag permi man imaw nga nagapangamuyo sa Dyos.

Mga Binuhatan 10:31

Sinana kakon, Cornelius, ro imo mana nga pangamuyo hay ginpamatian it Dyos ag owa nana ginakalipati ro imong pagbinulig sa mga ginakueang.

Mga Binuhatan 10:4

Hinadlukan si Cornelius pagtueok nana sa anghel. Nagsabat dayon imaw, “Ano kunta, sir?” Nagsabat ro anghel, “Nalipay gid kimo ro Dyos ag owa nana ginakalipati ro imong mga pangamuyo, ag ro imong pagbinulig sa mga ginakueang.

Mga TagaEfeso 4:28

Kon may una kinyo nga manakaw hay indi eon imaw magpanakaw kundi maghugod imaw sa pagpangita sa matarong nga paagi agod makabulig man imaw sa mga pobre.

1 Timoteo 6:17

Hambaei ro mga tumueuo inha nga manggaranon sa mga butang iya sa kalibutan, nga indi magpabugae ag indi magsalig sa anda nga manggad nga madali maduea. Sa Dyos 't-a dapat sanda magsalig ay imaw ro nagatao it bugana ku tanan nga mga butang agod mangin malipayon kita.

1 Timoteo 6:18

Tud-i man sanda nga mag-obra permi it mayad agod magmanggaranon sanda pati sa mayad nga buhat. Tud-i man sanda nga magmaatag ag haom permi nga magtao sa iba.

Mga Hebreo 6:10

Matarong abi ro Dyos ag indi nana paglipatan ro inyong mayad nga binuhatan ag ro inyo nga pagpakita ku inyong paghigugma kana paagi sa inyong padayon nga pagserbi sa katawhan it Dyos.

Santiago 1:27

Ro pagkarelihiyoso nga limpyo ag owa it ikasaway sa mata it Dyos nga Ama hay makaraya: nagabulig sa mga ilo ag sa mga baeo nga nagakalisod ag nagaandam man nga indi matapnan it mga maeain nga batasan sa kalibutan.

Santiago 2:14

Mga igmanghod sa pagtuo, ano baea ro mabuoe it sangka tawo kon maghambae imaw nga nagatuo imaw kay Jesus pero owa imaw it buhat nga nagapakita karon? Maeuwas baea imaw it makaraya nga pagtuo?

1 Juan 3:17

Halimbawa abi nga may sangka tawo nga bugana sa tanan nga pagkabutang iya sa kalibutan ag hakita nana nga ro anang igmanghod sa pagtuo hay ginakueang, pero owa man nana ginakaeuy-i ag ginabuligi. Paalin naton mahambae nga anang ginapakita ro gugma nga halin sa Dyos?

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.