Lucas 24:5 - Inkeanon

⁵ Hinadlukan it duro ro mga bayi pagkakita sa daywa mawron nga naghapa sanda sa eugta. Ginhambae sanda ku daywa ngato, “Ham-an it ginausoy 't-a ninyo ro buhi sa mga minatay?

Lucas 24:5 Iomraidhean Croise

Lucas 1:29

Naglitik gid ro ueo ni Maria pagkabati nana ku ginhambae ngato it anghel. Gin-inisip nana kon ano kato ro buot hambaeon.

Lucas 24:4

Naglitik ro andang ueo kon ano ro natabo. Samtang nagainisip sanda hay gulpi eang dayon nga may daywang ka tawo nga nagtindog maeapit kanda nga kasilaw-silaw ro andang eambong.

Lucas 24:6

Owa imaw iya. Nabanhaw eo't-a imaw. Dumduma ninyo nga tag idto pa kamo sa Galilea hay raya ro anang ginhambae kinyo,

Mga Binuhatan 2:24

Pero bisan ginpatay imaw hay ginbanhaw imaw it Dyos ngani nakaeuwas imaw sa gahom it kamatayon, ay imposible gid ma't-a nga makapugong kana ron.

Mga Hebreo 7:8

Ag mas haeangdon si Melkizedek kaysa sa mga saserdote nga mga inapo ni Levi nga nagabaton ku ikanapueo it mga tawo dahil nagkaeamatay sanda. Pero si Melkizedek ma't-a, owa it nasueat parti sa anang kamatayon ngani puydi naton eubton ron nga nagakabuhi gihapon imaw dahil ginpamatud-an it Kasueatan nga owa it katapusan ro anang pagkasaserdote.

Pahayag 1:18

Buhi't-a ako. Bisan nagpapatay ako hay hara, nagakabuhi ako bisan hasta hin-uno. Ako ro may otoridad sa kamatayon ag sa lugar it mga patay.

Pahayag 2:8

“Raya ro imong isueat sa anghel it grupo it mga tumueuo idto sa Smirna: ‘Raya ro mensahi nakon kinyo, ako nga ro nag-umpisa ag ro magatapos ku tanan nga mga butang, ro ginpatay ag nabanhaw.