Lucas 24:44 - Inkeanon

⁴⁴ Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Lucas 24:44 Iomraidhean Croise

Mateo 1:22

Natabo ra tanan agod matuman ro ginpasueat kato it Dyos sa anang propeta nga,

Mateo 16:21

Dikato eon ni Jesus gin-umpisahan it pagpaathag sa anang mga sumueunod nga dapat gid imaw mag-adto sa Jerusalem ag mag-antos it abo nga kalisod sa alima ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon pero banhawon man dayon pagkatatlong adlaw.

Mateo 26:54

Pero kon obrahon ko ron hay indi eon matuman ro nasueat sa Sagrado nga Kasueatan nga dapat matabo ro mga nagakaeatabo ngara.”

Mateo 26:56

Pero natabo ra tanan agod ro ginsueat it mga propeta sa Sagrado nga Kasueatan hay matuman.” Pagkahambae karon ni Jesus hay nagpaeagiw dayon tanan ro anang mga sumueunod ag inaywan imaw.

Marcos 9:31

agod hitud-an nana ro anang mga sumueunod. Naghambae imaw kanda, “Maabot gid ro oras nga ako nga Unga it Tawo hay traiduron ag itugyan sa mga tawo nga magapapatay kakon. Pero pagkatatlong adlaw hay mabanhaw ako.”

Lucas 21:22

Ginapauna ko kinyo ra it hambae dahil rato ro oras nga matuman eon ro tanan nga nasueat sa Sagrado nga Kasueatan parti sa pagpina it Dyos sa Jerusalem.

Lucas 22:37

Himua ninyo ron dahil ginahambae ko kinyo nga dapat nga matuman rondayang ginsueat ngara sa Sagrado nga Kasueatan parti kakon nga, ‘Ginbilang imaw nga isaea sa mga nagabaliwala sa Kasuguan it Dyos.’ Rondaya mismo nga ginsueat parti kakon hay madali lang matuman.”

Lucas 24:46

Sa katapusan, ginhambae nana sanda, “Ngani sayod eon ninyo makaron nga nasueat eon eagi sa Kasueatan nga ro Maneueuwas nga ginpromisa it Dyos hay magaantos ag mamatay ag sa ikatlong adlaw hay mabanhaw.

Lucas 9:22

Naghambae pa gid imaw, “Ako nga Unga it Tawo hay dapat gid nga mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Pagapatyon ako pero banhawon man dayon pagkatatlong adlaw.”

Lucas 9:44

“Tamnan gid sa inyong paino-ino ro ihambae ko ngara. Ako nga Unga it Tawo hay traiduron ag itugyan sa mga manogdumaea.”

Juan 3:14

Ag ro matabo kakon hay pareho man sa natabo sa sawa nga saway nga ginpakabit ni Moises sa kahoy ag ginpatindog tag idto sanda sa *disyerto. Dahil dapat ako nga Unga it Tawo hay ieansang sa krus ag patindugon

Juan 5:39

Sige ro inyong tinuon ku Sagrado nga Kasueatan ay gaeaom kamo nga paagi sa inyong pagtinuon ngaron hay makabaton kamo it kabuhi nga owa it katapusan. Pero ro Kasueatan ngaron hay nagapatungod kakon

Juan 5:46

Kon matuod nga nagapati gid kamo sa ginsueat ni Moises hay inyo man kunta ako nga patihan tungod ako't-a ro ginapatungdan sa anang ginsueat ngato.

Mga Binuhatan 13:33

Ro ana ngarang promisa hay gintuman it Dyos sa andang mga inapo, nga kita ngani ron, tag ginbanhaw nana si Jesus pareho sa nasueat sa ikaywa nga Salmo kon siin naghambae ro Dyos, ‘Ikaw hay akon nga unga. Makaron hay ginapakita ko gid nga ako ro imong Ama.’

Mga Binuhatan 13:40

Ngani mag-andam gid kamo nga indi matabo kinyo ro ginhambae it mga propeta nga makaraya:

Mga Binuhatan 2:27

indi mo ako, o Dyos, pagpabay-an sa lugar it mga patay, ag indi mo pagpabay-an nga maeunot sa eueubngan ako nga imong ginpaeain para eang gid-a nga magserbi kimo.

Mga Binuhatan 3:18

Pero kato pa hay ginpasayod eon it Dyos paagi sa tanan nanang mga propeta nga ro Maneueuwas nga anang ginpromisa hay magaantos ag natuman ra sa inyo ngatong gin-obra kay Jesus.

Mga Binuhatan 7:37

Imaw man ra tag si Moises nga naghambae sa mga inapo ni Israel, ‘Ro Dyos hay magabutang it sangka propeta ninyo pareho kakon nga halin sa inyong mga kadugo.’

Mga Hebreo 10:1

Ro sistema it pagtuman sa mga kasuguan nga gintao it Dyos paagi kay Moises kato hay nagdaea it sangkiri eang nga pag-intindi ku mga mayad nga butang nga mabaton paagi kay Kristo sa ulihi. Pareho eang sanda it anino ku mga mayad nga butang ngato, pero bukon gid it mga rato mismo. Bisan may ginahaead nga mga sapat nga sakripisyo kada dag-on sa kabuhay-buhay nga tyempo, ro mga sakripisyo ngato hay owa nakahimo sa mga tawo nga nagapahaead kato nga mangin owa eon it saea sa mata it Dyos.

Mga Hebreo 3:5

Si Moises ma't-a hay masaligan sa anang pagdipara ku bilog nga panimaeay it Dyos pero sueuguon eang imaw sa ratong panimaeay ag ro anang gin-obra hay nagapamatuod parti sa mga ipahayag it Dyos sa ulihi.

Mga Hebreo 7:1

Si Melkizedek hay hari ku syudad it Salem kato anay, ag saserdote man imaw it Dyos nga Eabing Mataas. Imaw ro nagsueang-sueang kay Abraham pagkabalik nanda halin sa gira kon siin andang ginperdi ag ginpamatay ro ap-at nga ka hari pati ro andang mga kasoldaduhan. Ag imaw man dayon ro nagbendisyon kay Abraham.

Mga Hebreo 9:8

Paagi sa anda ngaron nga ginahimo, ginaturo katon ku Espirito Santo nga ro daean kon siin makasueod ro tawo sa presensya it Dyos hay owa pa ginbuksi myentras ginasunod pa ro mga bilin parti sa daywang ka kwarto sa torda ngato.

1 Pedro 1:11

Ginpahayag eagi kanda ku Espirito ni Kristo nga nagagiya kanda nga ro Maneueuwas nga paadtunon iya sa kalibutan hay magaagi it kasakit ag pagkatapos hay pagapadunggan. Anda nga gin-inistudyuhan ag gin-inusisa kon hin-uno ron matabo ag kon paalin.

Pahayag 19:10

Naghapa dayon ako agod simbahon kunta ro anghel pero naghambae imaw kakon, “Ayaw ron pag-obraha kakon! Ro Dyos eang dapat ro imong simbahon. Ulipon man lang ako it Dyos pareho kimo ag ku imong mga igmanghod sa pagtuo nga nagatindog gid sa mensahi parti kay Jesus. Ro mensahi parti kay Jesus ro ginapatungdan ku mga propeta sa tanan nandang ginpasayod.”