Lucas 24:39 - Inkeanon

³⁹ Ako gid ra. Tan-awa tuo ninyo ro akong alima ag siki. Buyti ninyo ako agod makasiguro kamo. Ro mueto't-a hay owa it tue-an ag unod pareho ku inyong makita kakon nga may akon 't-a.”

Lucas 24:39 Iomraidhean Croise

Lucas 23:46

Nagsinggit dayon si Jesus, “Ama, ginatugyan ko kimo ro akon nga espirito.” Pagkahambae nana kara hay nabugtuan dayon imaw it ginhawa.

Lucas 24:38

Naghambae si Jesus kanda, “Ham-an it nahadlok kamo ag nagaduda?

Lucas 24:40

Pagkahambae nana kara, ana dayon nga ginpakita kanda ro anang siki ag alima.

Juan 20:20

Pagkatapos, ginpakita nana kanda ro anang alima ag kilid. Pagkakita nanda kato hay nalipay sanda ay sigurado sanda nga ro andang hakita hay ro Ginuo gid.

Juan 20:25

Ngani ginsugiran imaw ku ibang mga sumueunod, hambae nanda, “Hakita namon ro Ginuo.” Pero nagsabat imaw, “Indi gid-a ako karon magpati kon indi ko hikita ro inagyan it eansang sa anang alima, ag indi ko ikasutsut dikato ro akong tudlo, ag kon indi ko ikasueod ro akong alima sa nina sa anang kilid.”

Juan 20:27

Ginhambae dayon nana si Tomas, “Hara Tomas, tan-awa ro akong mga alima. Sutsutan ro imong tudlo sa inagyan it eansang. Sudlan man ro imong alima sa nina sa akong kilid. Indi ka sinimo magpati pero makaron hay magpati ka eon nga nabanhaw gid ako.”

Mga Binuhatan 1:3

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

1 Tesalonica 5:23

Kabay pa nga ro Dyos nga ginahalinan it katawhayan hay imaw man ro gabulig kinyo nga magpangabuhi it matarong gid bilang anang mga katawhan nga anang ginpaeain. Ag kabay pa nga bantayan nana ro bilog ninyo nga pagkatawo agod sa pagbalik it atong Ginuo nga si Jesu-Kristo hay owa gid kinyo it ikasaway.

Mga Hebreo 12:9

Ag isaea pa, ro aton nga mga ama iya sa kalibutan hay gaturo katon kon ano ro tama o saea nga buhat ag gadisiplina katon ag nagataha kita kanda dahil karon. Kon ginataha naton ron sanda hay mas kapin pa gid nga dapat kita nga magpasakop sa pagdisiplina katon ku aton nga Ama nga nagtao katon it espirituhanon nga kabuhi. Kon magpasakop kita sa anang pagdisiplina katon hay magakabuhi kita nga nagakasinanto sa anang tuyo.

1 Juan 1:1

Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.