Lucas 24:32 - Inkeanon

³² Sinanda ku daywa, “Maw 't-a gali ron nga nalipay gid-a ro atong buot tag nagaistorya imaw katon sa daean ag tag ginapaathag nana katon ro Sagrado nga Kasueatan.”

Lucas 24:32 Iomraidhean Croise

Marcos 4:34

Owa gid imaw it ginturo kanda nga owa nana ginagamiti kara, pero kon sanda lang ku anang mga sumueunod hay ana nga ginapaathag kanda it mayad ro madaeom nga kahueugan ku mga paanggid ngato nga istorya.

Lucas 24:45

Ginbuligan dayon sanda ni Jesus nga maeubtan ro matuod nga kahueugan ku mga ginsueat parti kana sa Sagrado nga Kasueatan.

Juan 6:63

Ro Espirito Santo ro gatao it kabuhi. Indi gid ra mahimo paagi sa ikasarang o pagtinguha it tawo. Ro akong ginhambae kinyo hay halin sa Espirito Santo, ag raya ro makatao kinyo it kabuhi nga owa it katapusan.

Mga Binuhatan 28:23

Nagkasugot sanda nga taw-an imaw it eain nga adlaw agod maghambae kanda. Pag-abot eon ku adlaw ngato hay mas abo pa kaysa sa hauna ngatong nag-aeadto ro nag-abot sa baeay nga ginadayunan ni Pablo. Halin sa agahon hasta sa gabii hay ginpaathagan nana sanda parti sa paghari it Dyos sa anang mga sinakpan. Paagi sa Sagrado nga Kasueatan nga ginsueat ni Moises ag ku mga propeta hay gintinguha nana nga kumbinsihon sanda nga si Jesus ro Hari ag Maneueuwas nga ginpromisa it Dyos.

Mga Hebreo 4:12

Dapat nga pursigido gid kita sa pagtuman sa Hambae it Dyos dahil ro hambae it Dyos hay buhi ag epektibo sa pagpamunga sa atong kabuhi kon ano ro anang tinutuyo. Mas mataeom pa ra kaysa sa bisan ano nga daga nga doble it taeom. Kon mauno makadueot it madaeom ro sangka mataeom nga daga sa kasueud-sueuran it eawas it tawo hasta sa kaeuta-eutahan ag utok it tue-an, makaruyon man ro Hambae it Dyos. Makasueod ra sa kaidadaeman ku atong paino-ino ag espirito ag ikapakita nana kon tama o bukon ro atong mga ginaisip ag mga motibo.