Lucas 24:30 - Inkeanon

³⁰ Tag nagakaon eon sanda, ginbuoe ni Jesus ro tinapay ag ginpasaeamatan. Ginpihak-pihak nana dayon rato ag gintao kanda.

Lucas 24:30 Iomraidhean Croise

Mateo 14:19

Ginpapungko dayon nana ro mga tawo sa hilamunon. Ginbuytan nana ro limang ka tinapay ag daywang ka isda ngato ag nagtangda sa eangit ag nagpasaeamat sa Dyos. Tapos hay ana nga ginpihak-pihak ro tinapay ag gintao sa anang mga sumueunod ag ginpanueupod nanda rato sa kaabo nga mga tawo.

Mateo 15:36

ag ginbuoe ro pito ngato nga ka tinapay ag pilang ka isda ag ginpasaeamatan rato sa Dyos. Pagkatapos hay ginpihak-pihak nana rato ag gintao sa anang mga sumueunod ag ginpapanueupod sa mga tawo.

Mateo 26:26

Samtang nagakaon sanda, nagbuoe it tinapay si Jesus ag ginpasaeamatan ra nana sa Dyos. Ginpihak-pihak dayon nana rato ag gintao sa anang mga sumueunod. Naghambae imaw, “Raya ro akon nga eawas. Kan-a ninyo.”

Marcos 14:22

Samtang nagakaon sanda, nagbuoe it tinapay si Jesus, ginpasaeamatan ra nana sa Dyos, ginpihak-pihak ag gintao sa anang mga sumueunod. Naghambae imaw, “Raya ro akon nga eawas. Kan-a ninyo.”

Marcos 6:41

Ginbuoe dayon ni Jesus ro limang ka tinapay ag daywang ka isda. Nagtangda imaw sa eangit ag nagpasaeamat sa Dyos. Ginpihak-pihak na dayon ro mga tinapay ag gintao sa anang mga sumueunod agod ikapanueupod sa mga tawo. Ginhueueay man dayon nana ro daywang ka isda ag ginpapanueupod man sa tanan nga mga tawo.

Marcos 8:6

Ginpaplastar dayon ni Jesus ro mga tawo sa eugta. Ginbuoe dayon nana ro pitong ka tinapay ag ana ra nga ginpasaeamatan sa Dyos. Ginpihak-pihak na dayon rato ag gintao sa anang mga sumueunod, ag ginpapanueupod rato sa mga tawo.

Lucas 22:19

Pagkatapos, nagbuoe imaw it tinapay, ginpasaeamatan ra nana sa Dyos, ginpihak-pihak ag gintao kanda. Hambae nana, “Raya ro akong eawas nga ginatao para kinyo. Himua ra ninyo permi sa pagdumdum kakon.”

Lucas 24:29

pero ginhawiran gid nanda imaw. Hambae nanda, “Iya ka lang eubog. Hapon eon nga mayad ag madueom-dueom eo't-a.” Ngani nagpahawid imaw kanda.

Lucas 24:35

Ginsugid man dayon ku daywa kon ano ro natabo tag sa daean sanda ag tag ginpihak-pihak nana ro tinapay hay dikato nanda hasayri nga imaw gali rato.

Lucas 9:16

Tapos, ginbuoe ni Jesus ro limang ka tinapay ag daywang ka isda. Nagtangda imaw sa eangit ag nagpasaeamat sa Dyos. Ginpihak-pihak dayon nana ro mga tinapay ag isda ngato ag gintao sa anang mga sumueunod agod ikapanueupod sa kaabo ngato nga mga tawo.

Juan 6:11

Ginbuoe dayon ni Jesus ratong tinapay ag nagpasaeamat sa Dyos. Ana dayon rato nga ginpapanueupod sa mga nagapueungko ngato. Makarato man ro anang gin-obra sa isda ag nagkaon sanda hasta nagkaeabusog.

Mga Binuhatan 2:42

Mahugod ag sinsiro sanda sa pagtuon ag sa pagtuman ku mga ginaturo ku mga apostoles. Nagakaeasugot gid sanda sa andang pagtililipon ag sa pagkaon sa pagdumdum ku kamatayon ni Jesus ag sa pagpangamuyo.

Mga Binuhatan 2:46

Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay nga may pagpaubos ag kalipay sa andang tagipusuon.

Mga Binuhatan 27:35

Pagkahambae nana kara hay nagbuoe imaw it tinapay ag nagpasaeamat sa Dyos sa atubang nanda tanan. Ana dayon ra nga ginpihak ag ginkaon.