Lucas 24:26 - Inkeanon

²⁶ Bukon abi it bago mabaton ku Maneueuwas nga ginpromisa it Dyos ro anang indi matupungan nga kadungganan hay dapat anay nana nga maagyan ratong anang mga gin-antos?”

Lucas 24:26 Iomraidhean Croise

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Lucas 24:46

Sa katapusan, ginhambae nana sanda, “Ngani sayod eon ninyo makaron nga nasueat eon eagi sa Kasueatan nga ro Maneueuwas nga ginpromisa it Dyos hay magaantos ag mamatay ag sa ikatlong adlaw hay mabanhaw.

Lucas 24:7

‘Ako nga Unga it Tawo hay dapat itugyan sa mga makasasaea, ieansang sa krus, mamatay ag mabanhaw sa ikatatlong adlaw.’ ”

Juan 2:22

Imaw ron nga pagkabanhaw nana hay hadumduman ku anang mga sumueunod ro ana ngatong ginhambae. Nagpati man sanda sa ginsueat sa Sagrado nga Kasueatan parti sa anang pagkabanhaw, ag sa ay Jesus man mismo nga ginhambae.

Juan 20:9

ugaling owa pa gid gihapon nanda haeubti it mayad ro ginsueat sa Sagradong Kasueatan nga dapat imaw nga mabanhaw.

Mga Binuhatan 17:3

ro anang pagpaathag ag pagpamatuod nga dapat mag-antos, mamatay ag mabanhaw ro Maneueuwas nga ginpromisa it Dyos. Naghambae pa gid si Pablo, “Si Jesus ngara nga ginahinambae ko kinyo hay imaw gid ro Maneueuwas ngaron.”

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

1 Pedro 1:11

Ginpahayag eagi kanda ku Espirito ni Kristo nga nagagiya kanda nga ro Maneueuwas nga paadtunon iya sa kalibutan hay magaagi it kasakit ag pagkatapos hay pagapadunggan. Anda nga gin-inistudyuhan ag gin-inusisa kon hin-uno ron matabo ag kon paalin.

1 Pedro 1:3

Dayawon ta ro Dyos ag Ama ku atong Ginuong Jesu-Kristo. Tungod sa anang mabahoe nga kaeuoy hay gintaw-an nana kita it bag-o nga kabuhi paagi sa pagkabanhaw ni Jesu-Kristo. Mawron nga sigurado gid kita nga mabaton naton sa ulihi ro ginpromisa it Dyos katon.