Lucas 24:19 - Inkeanon

¹⁹ Naghambae si Jesus, “Anong mga natabo?” Nagsabat sanda, “Ro mga natabo kay Jesus nga tagaNazaret. Ginpamatud-an it Dyos sa mga tawo nga gamhanan imaw nga propeta paagi sa anang mga gin-obra ag ginhambae.

Lucas 24:19 Iomraidhean Croise

Mateo 21:11

“Ro propeta nga si Jesus ron, nga tagaNazaret nga sa probinsya it Galilea,” sabat ku mga tawo nga nagasueunod kay Jesus.

Marcos 1:24

“Ay a! Ayaw kami pag-intrahi, Jesus nga tagaNazaret. Owa't-a kita it eabot sa kada isaea. Imo eo't-a kami nga ieapog sa impyerno agod pinahan ay? Kilaea ko gid ikaw. Ikaw ro Balaan nga ginpadaea iya it Dyos.”

Lucas 24:18

Nagsabat ro sambilog kanda nga si Cleopas ro ngaean. Hambae nana, “Ikaw ea't-a siguro sa mga bisita sa Jerusalem ro owa nakasayod kon ano ro nagkaeanabo ku mga pilang adlaw ngara.”

Lucas 7:16

Hinadlukan gid it duro ro mga tawo ag anda nga gindinayaw ro Dyos. Sinanda, “Ginpakamaayo it Dyos kita nga anang mga katawhan ay ginpadaehan nana kita it gamhanan nga propeta!”

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 4:19

Naghambae dayon ro bayi, “Sir, propeta ka't-ing gali.

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 7:52

Nagsabat sanda kay Nicodemus, “Hay pa isaea ka man sa mga bukiris nga tagaGalilea ay? Basaha tuo ro Kasueatan ag estudyuhan mo agod hisayran mo nga owa gid it propeta nga halin sa Galilea.”

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 2:22

Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo.

Mga Binuhatan 7:22

Gintud-an si Moises ku mga mangin-aeamon sa Egipto it tanan nga butang nga hatun-an ku mga tagaEgipto. Nangin mayad imaw nga manoghambae ag nangin bantog man sa anang mga gin-obra.