Lucas 23:5 - Inkeanon

⁵ Pero nagpinilit gid sanda. Hambae nanda, “Nakalibot eon imaw sa bilog nga nasyon namon ag ginsuesuean nana ro mga tawo agod maggulo paagi sa anang mga ginaturo. Idto pa't-a ron imaw nag-umpisa sa probinsya it Galilea, ag makaron hay nakaabot eon ngani imaw iya sa among probinsya it Judea.”

Lucas 23:5 Iomraidhean Croise

Mateo 11:1

Pagkatapos ni Jesus it hambae ku anang mga bilin sa anang dose nga ka sumueunod hay naghalin dayon imaw sa ratong lugar ag nag-adto sa iba pang mga kabanwahan it Galilea agod magturo ag magwali.

Mateo 2:1

Natawo si Jesus sa banwa it Betlehem nga sakop ku probinsya it Judea. Ro hari ku tyempo ngato hay si *Herodes. Pagkatawo ni Jesus hay may nag-abot sa Jerusalem nga mga mangin-aeamon nga tawo halin sa maeayo nga lugar sa sidlangan nga mga mayad magbasa kon ano ro kahueugan it mga bituon.

Mateo 27:24

Hapan-uhan ni Pilato nga owa eon imaw it mahimo ag basi magkagulo pa, ngani nagbuoe imaw it tubi ag nagpalibanaw sa atubang ku kaabo ngato nga mga tawo. Tapos naghambae imaw, “Owa ako it saeabton sa kamatayon ku tawo ngara. Kamo kara ro may saeabton.”

Mateo 4:23

Naglinibot si Jesus sa bilog nga probinsya it Galilea ag nagturo sa mga *sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag ana man nga ginpamayad ro tanang klasi it baeatian ag masakit ku mga tawo.

Marcos 1:14

Pagkapriso kay Juan hay nag-adto si Jesus sa probinsya it Galilea ag nagwali imaw it Mayad nga Balita nga halin sa Dyos.

Lucas 11:53

Dikato nag-umpisa ro grabi nga pagkinuntra ku mga maestro it Kasuguan ag ku mga Pariseo kay Jesus. Ngani tag nagguwa eon imaw sa baeay it ratong Pariseo hay ginbinirahan nanda imaw it pangutana parti sa kon anong bagay

Lucas 23:23

Pero nagpinilit gid sanda ag nagsininggit nga dapat ieansang si Jesus sa krus. Ku ulihi hay ro andang gusto't-a ro natuman.

Lucas 23:6

Pagkabati kara ni Pilato hay nagpangutana imaw, “TagaGalilea ro tawo ngara ay?”

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 19:15

Pagkakita nanda kana hay nagsilinggit eon man sanda, “Patyon imaw! Patyon imaw! Ieansang imaw sa krus!” Pinangutana sanda ni Pilato, “Gusto ninyo nga ipaeansang ko sa krus ro inyong hari?” Nagsabat ro pinuno it mga saserdote, “Owa kami it ibang hari kundi ro Emperador.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 7:41

Hambae pa gid ku iba, “Imaw ro Maneueuwas nga ginpromisa it Dyos.” Pero ro iba ma't-a hay naghambae, “Bukon a. Hay pa tagaGalilea't-a ro Maneueuwas ay?

Juan 7:52

Nagsabat sanda kay Nicodemus, “Hay pa isaea ka man sa mga bukiris nga tagaGalilea ay? Basaha tuo ro Kasueatan ag estudyuhan mo agod hisayran mo nga owa gid it propeta nga halin sa Galilea.”

Mga Binuhatan 10:37

Habalitaan siguro ninyo kon ano ro nagkaeatabo, umpisa sa Galilea hasta sa bilog nga Judea pagkatapos it pagwali ni Juan parti sa pagpabawtismo.

Mga Binuhatan 23:10

Tag naggrabi eon ro silinangag hay hinadlukan ro kumander it mga soldado ay matsa andang eapa-eapaon si Pablo. Ngani ginmandaran nana ro mga soldado nga agawon si Pablo kanda ag daehon sa baraks.

Mga Binuhatan 5:33

Naakig gid it duro ro mga myembro it *Sanedrin pagkabati kara ngani gusto nandang ipapatay ro mga apostoles.

Mga Binuhatan 7:54

Pagkabati kato ku mga myembro it *Sanedrin hay naakig gid sanda it duro kay Esteban ag nagpagot gid sanda sa kaakig.

Mga Binuhatan 7:57

Nagsilinggit it mabaskog ro mga myembro it *Sanedrin ag ginpangtakpan nanda ro andang dueunggan agod indi nanda mabatian ro ginahambae ni Esteban. Dinaeagan dayon nanda imaw tanan ag pinuko.