Lucas 23:43 - Inkeanon

⁴³ Nagsabat si Jesus, “Matuod rang ginahambae kimo nga sa daya gid nga adlaw hay mangin kaibahan ka nakon sa Paraiso.”

Lucas 23:43 Iomraidhean Croise

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Lucas 23:42

Ginhambae dayon nana si Jesus, “Jesus, dumduma man ako kon maghari ka eon.”

Juan 14:3

Kon haom eon ro lugar para kinyo hay magabalik ako iya ag sueangon ko kamo ag daehon dayon sa akong ginhalinan agod mag-ililiba kita idto.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

2 Corinto 5:8

Mawron nga maisog ro among buot ag igakalipay namon kon aywanan eon namon ro among eawas ngara ag magsaylo sa amon gid mismo nga ilistaran kon siin idto ro Ginuo.

Mga TagaFilipos 1:23

Nalisdan 't-ang magpili sa daywa ngaron. Gusto ko eon kunta magtaliwan agod makaibahan ko eon si Kristo, ay ruyon ro pinakamayad.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

Pahayag 2:7

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod sa Ginuo hay sugtan nakon nga magkaon ku bunga it kahoy nga nagatao it kabuhi nga idto nagatubo sa Paraiso it Dyos.’ ”