Lucas 23:34 - Inkeanon

³⁴ [Naghambae si Jesus, “Ama, patawara sanda ay owa sanda kasayod ku andang ginaobra.”] Tapos, nagpagabot-gabot ro mga nageansang kay Jesus kon ano sa anang mga suksuk ro hiadto kanyo.

Lucas 23:34 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:26

Tama gid-a ring paagi ngaron, Ama, ay suno ron sa imong plano.”

Mateo 5:44

Pero ro akon 't-a nga ginahambae kinyo hay higugmaa ro inyong kaaway ag pangamuyui ro mga nagahingabot kinyo.

Marcos 15:24

Gineansang dayon nanda si Jesus sa krus. Pagkatapos hay nagpagabot-gabot sanda kon ano sa anang mga suksuk ro hiadto kanyo.

Lucas 22:42

Hambae ni Jesus, “Ama, kon mahimo hay indi mo lang ako pagpaagihon sa grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Juan 17:9

“Sanda ro akong ginapangamuyuan makaron. Owa ako gapangamuyo para sa tanan nga tawo iya sa kalibutan, kundi para eang sa mga gintugyan mo kakon, ay imo sanda nga mga katawhan.

Juan 19:11

Nagsabat si Jesus, “Owa ka it otoridad nga obrahon ro bisan ano kakon mageuwas eang sa gintugot kimo it Dyos. Ngani ro nagtugyan kakon sa imong mga alima hay mas grabi ro saea kaysa sa imo.”

Mga Binuhatan 16:28

Pero nagsinggit si Pablo, “Ayaw pag-alina ro imong kaugalingon! Iya kami tanan!”

Mga Binuhatan 3:17

“Mga igmanghod, kasayod ako nga kamo ag ro inyong mga manogdumaea hay nag-obra it makarato kay Jesus dahil owa kamo kakilaea kon sin-o gid imaw.

Mga Binuhatan 7:60

Nageuhod dayon imaw ag nagsinggit, “Ginuo, ayaw man sanda pagpapanabta ku saea ngara!” Pagkahambae nana kara hay nabugtuan dayon imaw it ginhawa.

Mga TagaRoma 12:14

Pangamuyua ninyo sa Dyos nga anang pakamaayuhon ro mga nagahingabot kinyo ag ayaw sanda pagpakamaeauta.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.

1 Corinto 4:12

Nagapatueo kami it hueas agod may makaon. Ro mga nagapakaeain kamon hay ginapangamuyuan namon nga pakamaayuhon sanda it Dyos. Ginatiis namon ro mga paghingabot kamon.

1 Timoteo 1:13

Ginpili gihapon nana ako bisan kato anay hay gin-ininsulto ko imaw ag maisog ag mapintas ako sa akong paghiningabot sa anang mga sumueunod. Pero ginkaeuy-an ako it Dyos ay kato hay owa pa ako nagatuo kana ngani owa gid ako kasayod nga saea gali ro akong ginahimo ngato.

1 Pedro 3:9

Ayaw ninyo pagbasli it maeain ro maeain nga ginahimo kinyo. Ayaw man pagbasli it pagpakaeain ro pagpakaeain kinyo. Imbis nga magbaeos kamo hay pangayua ninyo sa Dyos nga pakamaayuhon ro nagahimo karon kinyo. Himua ninyo ron ay duyon ro tuyo nga gintawag kamo it Dyos, ag kon tumanon ninyo ron hay ana man kamo nga pakamaayuhon.