Lucas 23:26 - Inkeanon

²⁶ Pagkatapos, gindaea ku mga soldado si Jesus agod ieansang sa krus. Tag nagapanaw sanda, may hasubeang sanda nga sangka tawo nga si Simon ro ngaean nga tagaCyrene nga bag-ong abot halin sa uma. Anda nga binira si Simon ag ginpapas-an kana ro krus ag ginpasunod imaw kay Jesus.

Lucas 23:26 Iomraidhean Croise

Mateo 5:41

Kon may gapilit kimo nga daehon ro anang dinaea it sang kilometro, daeha hasta it daywang kilometro.

Lucas 14:27

Ro bukon it haom nga mag-atubang it kalisod, paghingabot ag kamatayon tungod nagasunod imaw kakon hay indi puydi nga mangin sumueunod nakon.

Lucas 23:25

Ginbuhian nana ro ginpili it mga tawo, tag ratong napriso dahil kaibahan imaw ku mga rebelde ag nakapatay. Pero gintugyan nana sa mga soldado si Jesus agod matuman ro gusto it mga tawo kana.

Lucas 9:23

Tapos, naghambae si Jesus sa tanan nga nagapaeamati kana, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mga Binuhatan 13:1

Idto sa grupo it tumueuo nga perming nagatililipon sa syudad it Antioc hay may mga propeta ag mga manogturo it mensahi it Dyos. Sanda rato hay si Barnabas, si Simeon nga ginahayuan it Negro, si Lucius nga tagaCyrene, si Manaen nga nagbahoe sa poder ku pamilya it Gobernador it Galilea nga si Herodes ag si Saulo.

Mga Binuhatan 2:10

May tagaFrigia man, mga tagaPamfilia, ag Egipto. May mga tagaLibya man nga halin sa mga lugar nga maeapit sa syudad it Cyrene. May mga tagaRoma man nga nagabisita iya.

Mga Binuhatan 6:6

Pagkatapos, anda sanda nga ginpresentar sa mga apostoles. Gintungtung dayon ku mga apostoles ro andang alima kanda ag ginpangamuyuan sanda.

Mga Binuhatan 6:9

Pero may nag-abot nga mga myembro it Sinagoga it Mga Hinilway kon tawgon. Mga Judio sanda nga nagaistar anay sa Cyrene, sa Alexandria, sa Cilicia ag sa Asya. Andang gindenibate si Esteban