Lucas 23:25 - Inkeanon

²⁵ Ginbuhian nana ro ginpili it mga tawo, tag ratong napriso dahil kaibahan imaw ku mga rebelde ag nakapatay. Pero gintugyan nana sa mga soldado si Jesus agod matuman ro gusto it mga tawo kana.

Lucas 23:25 Iomraidhean Croise

Mateo 27:26

Ginpabuhian dayon ni Pilato si Barabas pero ana nga ginpalatigo si Jesus. Ana dayon nga gintugyan si Jesus sa anang mga soldado agod ieansang sa krus.

Marcos 15:15

Agod nga matuman na ro gusto ku mga tawo, ginpabuhian dayon ni Pilato si Barabas, pero ana nga ginpalatigo si Jesus. Ana dayon nga gintugyan si Jesus sa anang mga soldado agod ieansang sa krus.

Lucas 23:2

Pag-abot idto, gin-umpisahan nanda it pag-akusar si Jesus. Hambae nanda, “Haaktohan gid namon ro tawo ngara nga ginapataeang ro amon nga mga kadugo, ag ginabawaean sanda nga magbayad it buhis sa Emperador. Ana pa nga ginaako nga imaw hay isaeang ka hari, ro Maneueuwas nga ginpromisa it Dyos.”

Lucas 23:24

Ngani nagdesidir lang si Pilato nga pasugtan ro ginainsistir ku mga tawo.

Lucas 23:26

Pagkatapos, gindaea ku mga soldado si Jesus agod ieansang sa krus. Tag nagapanaw sanda, may hasubeang sanda nga sangka tawo nga si Simon ro ngaean nga tagaCyrene nga bag-ong abot halin sa uma. Anda nga binira si Simon ag ginpapas-an kana ro krus ag ginpasunod imaw kay Jesus.

Lucas 23:5

Pero nagpinilit gid sanda. Hambae nanda, “Nakalibot eon imaw sa bilog nga nasyon namon ag ginsuesuean nana ro mga tawo agod maggulo paagi sa anang mga ginaturo. Idto pa't-a ron imaw nag-umpisa sa probinsya it Galilea, ag makaron hay nakaabot eon ngani imaw iya sa among probinsya it Judea.”

Juan 18:40

Pero nagsilinggit sanda, “Buko't imaw! Si Barabas 't-a!” Si Barabas ngara hay kriminal nga nagrebelde anay kuntra sa gobyerno it Roma.

Juan 19:16

Ngani gintugyan ni Pilato si Jesus sa mga magaeansang kana sa krus ag anda dayon imaw nga gindaea sa pagaeansangan kana.

Mga Binuhatan 3:14

Balaan gid imaw ag matarong pero owa ninyo imaw pagpabuhii kundi inyo nga ginpangabay si Pilato nga buhian tag manogpatay it tawo.