Lucas 23:2 - Inkeanon

² Pag-abot idto, gin-umpisahan nanda it pag-akusar si Jesus. Hambae nanda, “Haaktohan gid namon ro tawo ngara nga ginapataeang ro amon nga mga kadugo, ag ginabawaean sanda nga magbayad it buhis sa Emperador. Ana pa nga ginaako nga imaw hay isaeang ka hari, ro Maneueuwas nga ginpromisa it Dyos.”

Lucas 23:2 Iomraidhean Croise

Mateo 17:27

Pero owa kita naila nga mageain ro buot ku mga manogsukot ngato katon. Ngani pagpamunit idto sa dagat ag buksi ro ba-ba ku primerong isda nga imong hidakpan. Makakita ka idto it kwarta nga sarang ikabayad sa buhis natong daywa sa Templo. Tapos, bayari dayon ro atong buhis.”

Mateo 22:21

“Ana ku Emperador,” sabat nanda. Ginhambae sanda ni Jesus, “Kon mawron, taw-an sa Emperador ro para sa Emperador ag taw-an ma't-a sa Dyos ro para sa Dyos.”

Mateo 27:11

Tag idto eon si Jesus nagatindog sa atubang ku gobernador nga si Pilato hay ginpangutana imaw ku gobernador, “Ikaw baea ro hari it mga *Judio?” “Tama ro imong hambae ngaron,” sabat ni Jesus.

Marcos 12:17

Ginhambae sanda ni Jesus, “Kon mawron hay taw-an sa Emperador ro para sa Emperador, ag taw-an ma't-a sa Dyos ro para sa Dyos.” Hangawa sanda sa sabat ni Jesus.

Marcos 15:2

Ginpangutana ni Pilato si Jesus, “Ikaw baea ro hari it mga Judio?” Nagsabat si Jesus, “Tama ro imong hambae ngaron.”

Lucas 23:14

Ginhambae nana sanda, “Gindaea ninyo kakon ro tawo ngara ay sininyo hay ginasuesuean nana ro mga tawo agod magrebelde. Gin-imbistigar ko imaw sa atubang mismo ninyo, pero kon kakon hay owa man nana hiobra ro krimin ngato nga ginpinabangod ninyo kana.

Lucas 23:5

Pero nagpinilit gid sanda. Hambae nanda, “Nakalibot eon imaw sa bilog nga nasyon namon ag ginsuesuean nana ro mga tawo agod maggulo paagi sa anang mga ginaturo. Idto pa't-a ron imaw nag-umpisa sa probinsya it Galilea, ag makaron hay nakaabot eon ngani imaw iya sa among probinsya it Judea.”

Juan 18:29

Ngani gin-guwa sanda ni Pilato ag ginpangutana, “Ano ro inyong ginaakusar sa tawo ngara ay?”

Juan 18:30

Nagsabat sanda, “Indi man namon imaw ra ipaatubang kimo kon bukon it maeain ro anang ginaobra.”

Juan 19:12

Pagkabati kara ni Pilato hay gintinguhaan pa gid nana kunta nga buhian si Jesus, ugaling nagsininggit ro mga Judio. Sinanda, “Kon buhian mo ro tawo ngaron hay bukon ka it kaapin ku Emperador. Ro bisan sin-o nga nagaako nga hari imaw hay nagakuntra sa Emperador.”

Mga Binuhatan 24:13

Indi man nanda hipamatud-an ro anda ngaron nga ginaakusar kakon makaron.

Mga Binuhatan 24:5

Hasayran namon nga ro tawo ngara hay permi nga nagaumpisa it gulo. Ginasuesuean nana ro tanan nga mga Judio sa bilog nga kalibutan nga magrebelde sa gobyerno it Roma, ag pinuno pa ra imaw it sekta nga Nazarenhon.

Mga TagaRoma 13:7

Ngani bayri ro bisan ano nga buhis nga dapat ninyo bayran. Tahura ninyo ag padunggan ro tanan nga may katungdanan sa gobyerno.