Lucas 23:11 - Inkeanon

¹¹ Bisan si Herodes, pati man ro anang mga gwardya hay nagtuya-tuya ag nag-inintrimis kay Jesus. Pagkatapos, anda imaw nga ginpasuksukan it harianon nga eambong ag ginpapabalik dayon ni Herodes si Jesus idto kay Pilato.

Lucas 23:11 Iomraidhean Croise

Mateo 14:1

Owa mabuhayi hay habatian ni Herodes nga gobernador it Galilea ro mga ginahimo ni Jesus.

Mateo 14:3

Naghambae karon si Herodes dahil sa anang gin-obra kato kay Juan. Kato abi hay ana nga ginpadakop si Juan ag ginpapriso agod sundon ro gusto ni Herodias. Rayang si Herodias hay hipag ni Herodes nga anang gin-agaw kay Felipe nga anang igmanghod.

Mateo 14:6

Tag adlaw kato it pagselebrar ku kaadlawan it pagkatawo ni Herodes hay nagkinalipay sanda. Nagsaot ro unga nga daeaga ni Herodias sa atubang ku mga bisita ag naila gid si Herodes sa ana ngato nga saot.

Marcos 9:12

Ginsabat sanda ni Jesus, “Tama ro andang ginahambae ngaron. Hauna gid man si Propeta Elias agod papahaumon nana ro mga tawo sa pag-abot ku Maneueuwas. Pero ginahambae ko kinyo nga nag-abot eon ngani si Propeta Elias ag gin-obra it mga tawo ro andang maeain nga gustong obrahon kana pareho sa ginsueat sa Sagrado nga Kasueatan. Pero may sambilog pa gid nga pangutana nga kon ham-an it ginsueat it mga propeta nga ako nga Unga it Tawo hay dapat nga pagapasakitan ag indi pagkilan-on?”

Lucas 23:10

Idto man ro mga pinuno it mga saserdote ag ro mga maestro it Kasuguan. Nagatilindog sanda idto ag nagaeupok-eupok gid sanda sa pag-akusar kay Jesus.

Juan 19:5

Ginpaguwa dayon si Jesus nga may korona nga siit ag nakakapa it puea. Naghambae dayon si Pilato sa mga tawo, “Hara eon imaw!”

Santiago 2:2

Halimbawa abi mana nga may mag-abot nga daywang ka tawo sa inyong simbahan. Ro sambilog hay manggaranon nga nakasingsing it bueawan ag nakasuksuk it nagabarlak. Ro sambilog ma't-a hay pobre ag mahigko ro eambong.

Santiago 2:3

Tapos hay mas inatuhon ninyo ratong nakasuksuk it nagabarlak ag hambaeon ninyo nga “Kara ka't-ing pungko, Sir, ay sadyaan dikara.” Ag inyong hambaeon rato nga pobre nga “Tindog eang dikaron sa binit o pungko lang sa saeog agod may tungtungan ako ku ang siki!”