Lucas 22:57 - Inkeanon

⁵⁷ Pero nagbalibad 't-a si Pedro. Nagsabat imaw, “Tao kimo, nga bayi ka! Owa't-a ako kakilaea ku haning tawo ngato.”

Lucas 22:57 Iomraidhean Croise

Mateo 10:33

Pero ro nagapanghiwaea sa atubang it tawo nga nagatuo imaw kakon hay akon man nga ipanghiwaea nga akon imaw nga sumueunod sa atubang ku akon nga Ama sa eangit.”

Mateo 26:70

Pero nagbalibad 't-a si Pedro sa atubang ku tanan nga mga tawo nga idto. Hambae nana, “Bukon a! Owa't-ang kasayod ku imong ginahinambae ngaron.”

Lucas 12:9

Pero ro nagapanghiwaea sa atubang it tawo nga nagatuo imaw kakon hay akon man nga ipanghiwaea sa atubang it mga anghel it Dyos.

Lucas 22:56

Hakita imaw idto it sangka sueuguon nga bayi tag hahayagan imaw it kaeayo. Tinueok ku bayi si Pedro ag naghambae, “Kaibahan gid nana ro tawo ngara ho!”

Lucas 22:58

Maangan-angan hay may eaki nga nakapan-o kay Pedro. Hambae ku eaki, “Kaibahan ka gid-ing nanda.” Pero nagbalibad gid si Pedro, “Bukon a!”

Juan 18:25

Ku rato man nga oras, idto pa si Pedro nagapainit-init sa may kaeayo tag may mga naghambae kana, “Bukon abi it isaea ka sa anang mga sumueunod?” Pero owa mag-ako si Pedro, sinana, “Bukon a.”

Juan 18:27

Pero owa eon man mag-ako si Pedro. Nagpamaeo dayon ro manok.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

1 Juan 1:9

Pero kon aton nga akuon sa Dyos ro atong mga saea, ag pangayuan it patawad hay ana kita nga patawaron ag limpyuhan sa tanan naton nga nahimo nga bukon it matarong, agod mangin limpyo kita sa anang panueok, dahil ro Dyos hay permi nga matarong ro anang ginaobra, ag permi nga masaligan nga tumanon nana ro anang ginpromisa.