Lucas 22:53 - Inkeanon

⁵³ Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Lucas 22:53 Iomraidhean Croise

Mateo 21:23

Pag-abot nanda sa Jerusalem, nagbalik si Jesus sa Templo ag idto nagturo. Tag nagaturo imaw, ginpaeapitan imaw ku mga pinuno it mga saserdote ag ku kaibahan nandang mga lider ag ginpangutana, “Ano ring otoridad nga obrahon ro imong mga ginaobra iya sa Templo? Sin-o kimo ro nagtao ku otoridad ngaron?”

Lucas 22:52

Ginhambae dayon si Jesus ro mga pinuno it mga saserdote, ro mga opisyal it mga gwardya it Templo ag ro iba pang mga lider it mga Judio nga nagadakop kana, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon.

Lucas 22:54

Gindakop dayon nanda si Jesus ag gindaea sa palasyo it pinakapinuno nga saserdote. Nagsunod man si Pedro pero idto imaw sa maeayo-eayo.

Juan 12:27

Naghambae pa gid si Jesus, “Nagalitik ro akong ueo. Ano ro akong ihambae? Mahambae baea ako nga, ‘Ama kon mahimo hay euwasa lang ako sa mga kasakit nga akong aeatubadngon’? Pero indi man puydi dahil ruyon ngani ro katuyuan nga nag-adto ako riya.”

Juan 13:30

Pagkabaton ni Judas ku tinapay ngato hay pumanaw eagi imaw. Gabii eon kato pagpanaw nana.

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 7:30

Pagkabati it mga manogdumaea ku ginhambae ngato ni Jesus hay ginadakop kunta nanda imaw, pero owa gid it bisan sin-o nga nakatabing kana ay owa pa mag-abot ro oras nga tumanon nana ro plano it Dyos.

Juan 7:45

Ro mga gwardya ngato nga ginsugo nga magdakop kay Jesus hay nagbalik sa mga nagsugo kanda nga mga pinuno it mga saserdote ag mga Pariseo. Pag-abot idto hay ginpangutana sanda ku mga nagsugo kanda, “Ham-an it owa't-a ninyo imaw pagdakpa?”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga TagaEfeso 6:12

Ginahambae ko ra ay owa kita nagapakig-away sa tawo kundi sa mga pinuno it mga maeain nga espirito, sa iba pa nga may otoridad, sa mga nagagahom sa mga tawo nga una pa sa kadueom sa rayang kalibutan, ag sa mga maeain nga espirito nga una sa kahanginan.

Mga TagaColosas 1:13

Ana kita nga gineuwas sa gahom ni Satanas nga nagahari sa mga tawo nga una pa sa kadueom it saea, ag ana kita nga ginsaylo sa paggahom ku anang palangga nga Unga.