Lucas 22:52 - Inkeanon

⁵² Ginhambae dayon si Jesus ro mga pinuno it mga saserdote, ro mga opisyal it mga gwardya it Templo ag ro iba pang mga lider it mga Judio nga nagadakop kana, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon.

Lucas 22:52 Iomraidhean Croise

Mateo 26:47

Owa pa katapos it hambae si Jesus hay nag-abot si Judas nga isaea sa dose nana nga ka sumueunod. Kaibahan nana ro kaabo-abong mga tawo nga may mga daeang daga ag bakulo. Ro mga tawo ngato hay ginpaadto ku mga pinuno it mga saserdote ag ku kaibahan nandang mga lider.

Mateo 26:55

Ginhambae dayon ni Jesus ro kaabo ngato nga mga tawo, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon. Adlaw-adlaw hay idto ako sa Templo nagalingkod ag nagaturo pero owa ninyo ako kato pagdakpa.

Lucas 22:37

Himua ninyo ron dahil ginahambae ko kinyo nga dapat nga matuman rondayang ginsueat ngara sa Sagrado nga Kasueatan parti kakon nga, ‘Ginbilang imaw nga isaea sa mga nagabaliwala sa Kasuguan it Dyos.’ Rondaya mismo nga ginsueat parti kakon hay madali lang matuman.”

Lucas 22:4

Nag-adto imaw sa pinakapinuno nga saserdote ag sa mga opisyal it mga gwardya it Templo agod makigkunsabo kon paalin nana buligan sanda nga hidakop si Jesus.

Lucas 22:51

Naghambae si Jesus, “Tama eon don!” Ana dayon nga ginbuytan ro dueunggan ku ratong ulipon ag ginpamayad.

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Mga Binuhatan 5:26

Ginsueang dayon ku kapitan ag ku mga gwardya ro mga apostoles sa Templo. Pero owa eon nanda pagpaagya sa pwersahan ay nahadlok sanda nga eapugon sanda it bato ku mga tawo.