Lucas 22:42 - Inkeanon

⁴² Hambae ni Jesus, “Ama, kon mahimo hay indi mo lang ako pagpaagihon sa grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Lucas 22:42 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:26

Tama gid-a ring paagi ngaron, Ama, ay suno ron sa imong plano.”

Mateo 20:22

Ginhambae dayon ni Jesus ro daywa nana ngatong mga sumueunod, “Owa gid 't-a kamo kasayod kon ano ro inyong ginapangayo ngaron. Makatakod baea kamo ku grabi nga kasakit pareho ku akon nga maagyan?” “Huo ron, matakuran 't-a namon ron,” sabat nanda.

Mateo 26:39

Nag-adto pa gid si Jesus sa ueu-unahan ag naghapa ag nagpangamuyo. Hambae nana, “Ama ko, kon mahimo hay pataliwana lang kakon ro grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Mateo 26:42

Bumalik eon man si Jesus sa ueu-unahan ag nagpangamuyo it uman. Hambae nana, “Ama, kon indi puydi nga malikawan nakon ro grabi nga kasakit nga akon nga aeatubadngon hay ro imong pagbuot ro matuman.”

Mateo 26:44

Pumanaw eon man si Jesus sa may unahan ag nagpangamuyo it ikatlong beses. Makarato man gihapon ro anang ginpangamuyo.

Mateo 6:10

Kabay pa nga magpasakop eon ro tanan nga mga tawo sa imong paghari sa andang tagipusuon. Kabay pa nga tumanon ro imong pagbuot iya sa kalibutan pareho inha sa eangit.

Marcos 14:36

Hambae ni Jesus, “Ama, owa it imposible kimo. Kon mahimo hay indi mo lang ako pagpaagihon sa grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Lucas 23:34

[Naghambae si Jesus, “Ama, patawara sanda ay owa sanda kasayod ku andang ginaobra.”] Tapos, nagpagabot-gabot ro mga nageansang kay Jesus kon ano sa anang mga suksuk ro hiadto kanyo.

Juan 18:11

Ginhambae ni Jesus si Pedro, “Tagban ro imong daga ngaron. Dapat ko't-a nga antuson ro kalisod ngara nga gintaeana ku akong Ama nga akong maagyan.”

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 5:30

Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Mga Binuhatan 21:14

Indi gid namon imaw mapugngan ngani naghipos lang kami ag sinamon, “Kabay nga ro pagbuot it Ginuo ro matuman.”