Lucas 22:39 - Inkeanon

³⁹ Tapos, nagguwa si Jesus sa syudad ag nag-adto sa Bukid it Olibo pareho ku ana permi nga ginaobra. Nagmunot kana ro anang mga sumueunod.

Lucas 22:39 Iomraidhean Croise

Mateo 21:1

Tag maeapit eon sanday Jesus sa Jerusalem ag nakaabot eon sanda sa Bukid it Olibo, nga maeapit sa baryo it Betfage hay ginpauna dayon ni Jesus ro daywa sa anang mga sumueunod.

Mateo 26:30

Pagkatapos hay nagkanta sanda it pagdayaw sa Dyos ag nagpanaw dayon paadto sa Bukid it Olibo.

Marcos 11:11

Pag-abot ni Jesus sa Jerusalem, nagsueod imaw sa Templo ag gintan-aw kon gaalin ro mga tawo idto. Pero tungod nga madali lang matunod ro adlaw hay nagguwa lang imaw ag nag-agto sanda ku anang doseng ka sumueunod sa Betania.

Marcos 11:19

Tag madali lang matunod ro adlaw hay naghalin sa syudad sanday Jesus.

Marcos 13:3

Ku ulihi, tag nagapungko si Jesus sa parti it Bukid it Olibo kon siin kitaon ro Templo idto sa tabok, nagpaeapit kana sanday Pedro, Santiago, Juan ag Andres nga sanda-sanda eang. Nagpangutana sanda kana,

Marcos 14:26

Pagkatapos ni Jesus it hambae hay nagkanta sanda it pagdayaw sa Dyos, ag nagpanaw dayon sanda paagto sa Bukid it Olibo.

Lucas 21:37

Ku ratong mga inadlaw, nagaturo si Jesus sa Templo kon adlaw ag kon gabii hay nagaguwa imaw sa syudad ag nagaadto sa Bukid it Olibo ag idto gaeubog.