Lucas 22:32 - Inkeanon

³² Pero ginpangamuyuan ko ikaw, Simon, nga indi maduea ro imong pagtuo ag pagkatapos nga makapanumbalik ka kakon hay palig-una man ro pagtuo ku imong mga igmanghod.”

Lucas 22:32 Iomraidhean Croise

Mateo 18:3

Naghambae dayon si Jesus, “Matuod rang ginahambae kinyo nga kon indi ninyo pagbag-uhon ro inyong handom nga magmangin pinakaimportanti, ag kon indi kamo mangin mapainubuson pareho it mga unga hay indi kamo matapoe sa mga sinakpan it Dyos.

Mateo 26:75

Hadumduman dayon ni Pedro ro ginhambae ni Jesus nga “Bago magpamaeo ro manok hay ipanghiwaea mo it tatlong beses nga kilaea mo ako.” Pumanaw dayon si Pedro ag nagtinangis it pwerti.

Marcos 14:72

Pagkahambae kara ni Pedro hay nagpamaeo eon man ro manok. Hadumduman dayon ni Pedro ro hambae ni Jesus, “Bago ro manok magpamaeo it ikaywa hay tatlong beses mo nga ipanghiwaea nga kilaea mo ako.” Owa gid ni Pedro mapugngi ro anang baeatyagon ag nagtinangis imaw.

Marcos 16:7

Adtuni ninyo ro anang mga sumueunod ag sugiran sanda, kapin gid si Pedro, nga mauna maton kinyo si Jesus idto sa Galilea. Ginhambae eon ron maton nana kato kinyo nga idto kamo gataeabo.”

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

Mga TagaRoma 8:32

Bisan ro ana mismo nga Unga hay owa nana ginlikaw sa kamatayon kundi gintugot nana nga mamatay para katon tanan. Ginhimo na eon ngani ron, indi pa baea nana itao nga owa it hawid-hawid ro tanan nga para sa atong kamaeayran?

2 Timoteo 2:18

Naglihis eon sanda sa daean it tama nga doktrina ay nagaturo sanda nga tungod matsa nabanhaw eon kita tag nagtuo kita kay Jesus, ngani owa eon kita it mapaabot pa nga pagkabanhaw ku atong eawas sa ulihi. Dahil karon hay andang ginasamad ro pagtuo it iba.

Tito 1:1

Raya nga sueat hay halin kakon nga si Pablo nga isaeang ka ulipon it Dyos ag *apostol ni Jesu-Kristo. Ginpadaea ako it Dyos agod palig-unon ro pagtuo it mga tawo nga anang ginpili nga mangin anang katawhan, ag agod ipasayod kanda ro tama nga doktrina nga magagiya kanda nga magkabuhi nga matinumanon sa Dyos.

Mga Hebreo 12:15

Mag-andam kamo nga owa kinyo it magbalik sa dating ginatuuhan ag indi eon kasamit it sobrang kabuot it Dyos. Mag-andam man kamo nga owa inha kinyo it magpaeapta it saea nga turo nga makadaea sa dagaya kinyo sa pagpakasaea, dahil pareho ron it makahieilo nga tanom nga nagatapon sa ibang tanom sa palibot.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.

1 Pedro 1:13

Ngani mangin haom kamo sa pag-atubang sa bisan ano nga maabot sa inyong kabuhi. Eawiga ro inyong paino-ino. Lig-una ro inyong pagsalig nga inyong mabaton ro mayad nga kahimtangan nga itao kinyo it Dyos sa adlaw it pagbalik ni Jesu-Kristo.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

2 Pedro 3:14

Ngani, mga hinigugma, samtang nagahueat kita nga matabo tanan ra hay magmahugod gid kita nga magpangabuhi it limpyo gid ag owa it ikasaway sa panueok it Dyos. Kon makaruyon hay may aton eon nga katawhayan sa atong tagipusuon kon mag-atubang eon kita kana.

1 Juan 2:19

Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.