Lucas 22:26 - Inkeanon

²⁶ Pero bukon dapat kamo it makaruyon tungod kon sin-o ro pinakaimportanti kinyo hay dapat nana nga bilangon ro anang kaugalingon nga matsa imaw ro pinakabata nga indi pa ikataha it iba, ag ro manogdumaea hay dapat mangin pareho it manogserbi.

Lucas 22:26 Iomraidhean Croise

Mateo 20:26

Pero bukon dapat it makaruyon kamo. Ro naila nga mangin dungganon kinyo hay dapat nga mangin inyong manogserbi.

Marcos 10:43

Pero bukon dapat it makaruyon kamo. Ro naila nga mangin dungganon kinyo hay dapat nga mangin inyong manogserbi.

Marcos 9:35

Nagpungko dayon si Jesus ag ginpapaeapit nana ro mga sumueunod ag ginhambae, “Kon sin-o ro naila nga imaw ro pinakaimportanti hay dapat imaw ro pinakamapainubuson ag manogserbi sa tanan.”

Lucas 9:48

Naghambae dayon imaw, “Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon. Ngani kon sin-o ro pinakamapainubuson kinyo tanan hay imaw 't-a ro importanti.”

Mga TagaRoma 12:2

Ayaw magtuead sa batasan ag pagginawi ku mga tawo iya sa kalibutan nga owa nagatuo sa Dyos. Dapat nga mga bag-o kamo nga mga tawo paagi sa pagbag-o it Dyos sa inyong paino-ino. Kon himuon ninyo ron hay masayran ninyo ag mapamatud-an nga ro kabubut-on it Dyos, ro mga bagay nga mayad, perpekto ag makapalipay kana.

1 Pedro 5:3

Ayaw ninyo pagdominahi ro mga tawo nga gintugyan kinyo, kundi mangin hueuwaran kamo nanda paagi sa inyong mayad nga batasan.

1 Pedro 5:5

Kamo ma't-a nga mga pamatan-on nga mga eaki, ro akon nga bilin kinyo hay magpasakop gid kamo sa mga manogdumaea inha kinyo. Ag kamo tanan inha hay dapat nga mapainubuson sa kada isaea ay nasueat sa Kasueatan nga, “Ro mga palabi-labihon hay ginakuntra it Dyos pero ro mga mapainubuson hay anang ginapakamaayo.”