Lucas 22:22 - Inkeanon

²² Magataliwan eon ako nga Unga it Tawo suno sa gintaeana it Dyos pero makaeueuoy ro magatraidor kakon ay makangingidlis gid ro matabo kana sa ulihi.”

Lucas 22:22 Iomraidhean Croise

Mateo 26:24

Magataliwan eon ako nga Unga it Tawo suno sa nasueat sa Sagrado nga Kasueatan. Pero makaeueuoy ro magatraidor kakon ay makangingidlis gid ro matabo kana sa ulihi. Mas mayad pa nga owa eon lang imaw matawo sa rayang kalibutan.”

Mateo 27:5

Hinaboy dayon ni Judas sa Templo ro kwarta ag pumanaw ag ginbitay ro anang kaugalingon.

Marcos 14:21

Magataliwan eon ako nga Unga it Tawo suno sa nasueat sa Sagrado nga Kasueatan. Pero makaeueuoy ro magatraidor kakon, ay makangingidlis gid ro matabo kana sa ulihi. Mas mayad pa nga owa eon lang imaw matawo sa rayang kalibutan.”

Lucas 22:23

Pagkabati nanda kara hay nagpaeangutan-an ro mga sumueunod kon sin-o kanda ro gahimo kara.

Lucas 24:46

Sa katapusan, ginhambae nana sanda, “Ngani sayod eon ninyo makaron nga nasueat eon eagi sa Kasueatan nga ro Maneueuwas nga ginpromisa it Dyos hay magaantos ag mamatay ag sa ikatlong adlaw hay mabanhaw.

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Mga Binuhatan 10:42

Ag ginsugo nana kami nga magwali ku Mayad nga Balita sa mga tawo, ag magpamatuod nga imaw ro ginbutang it Dyos nga maghukom sa mga buhi ag sa mga patay sa ulihi.

Mga Binuhatan 17:31

tungod may gintaeana eon eagi imaw nga adlaw, nga anang hukman it matarong ro mga tawo sa bilog nga kalibutan. May ginbutang eon eagi imaw nga sangka tawo nga magaobra karon. Ginpamatud-an it Dyos sa tanan, nga rayang tawo gid ro anang ginbutang, paagi sa pagbanhaw kana.”

Mga Binuhatan 2:23

Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron.

1 Pedro 1:11

Ginpahayag eagi kanda ku Espirito ni Kristo nga nagagiya kanda nga ro Maneueuwas nga paadtunon iya sa kalibutan hay magaagi it kasakit ag pagkatapos hay pagapadunggan. Anda nga gin-inistudyuhan ag gin-inusisa kon hin-uno ron matabo ag kon paalin.

2 Pedro 2:3

Mga hangoe it kwarta ro mga manogturo ngaron, ngani magaimbento sanda it istorya agod eang makapangkwarta kinyo. Pero hasintinsyahan eon sanda it Dyos kato pa ag matuman gid ron. Owa imaw nagakatueog ag haom imaw nga pinahan sanda sa impyerno hasta sa owa it katapusan.