Lucas 22:19 - Inkeanon

¹⁹ Pagkatapos, nagbuoe imaw it tinapay, ginpasaeamatan ra nana sa Dyos, ginpihak-pihak ag gintao kanda. Hambae nana, “Raya ro akong eawas nga ginatao para kinyo. Himua ra ninyo permi sa pagdumdum kakon.”

Lucas 22:19 Iomraidhean Croise

Mateo 14:19

Ginpapungko dayon nana ro mga tawo sa hilamunon. Ginbuytan nana ro limang ka tinapay ag daywang ka isda ngato ag nagtangda sa eangit ag nagpasaeamat sa Dyos. Tapos hay ana nga ginpihak-pihak ro tinapay ag gintao sa anang mga sumueunod ag ginpanueupod nanda rato sa kaabo nga mga tawo.

Mateo 15:36

ag ginbuoe ro pito ngato nga ka tinapay ag pilang ka isda ag ginpasaeamatan rato sa Dyos. Pagkatapos hay ginpihak-pihak nana rato ag gintao sa anang mga sumueunod ag ginpapanueupod sa mga tawo.

Lucas 22:17

Nagbuoe dayon imaw it kopa nga may bino ag ginpasaeamatan ra sa Dyos. Naghambae dayon imaw, “Hara, inom kamo kara tanan.

Lucas 22:20

Pagkakaon nanda, nagbuoe eon man imaw it kopa nga may bino ag naghambae, “Ro sueod ku rayang kopa hay nagasimbolo ku bag-o nga kasugtanan nga gintao it Dyos sa tawo, ag ro akon nga dugo nga igauea por dahil kinyo hay gapalig-on ku kasugtanan ngara.

Lucas 24:30

Tag nagakaon eon sanda, ginbuoe ni Jesus ro tinapay ag ginpasaeamatan. Ginpihak-pihak nana dayon rato ag gintao kanda.

Juan 6:23

May iba dayon nga mga baroto nga halin sa Tiberias nga nag-abot ag nagdungka maeapit sa lugar ngato kon siin man sanda ginpakaon ni Jesus it pagkaon nga anang ginpasaeamatan.

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

1 Corinto 10:16

Sa aton nga pagtililipon sa pagdumdum ku kamatayon ni Kristo sa krus, kon magpasaeamat kita sa Dyos sa atong ginainom ag kon aton man nga ginakaon ro ginpihak-pihak nga tinapay hay bukon baea it nagaambit kita ku mga pagpakamaayo nga halin sa dugo ag eawas ni Kristo nga anang ginsakripisyo para katon?

1 Corinto 10:4

Tanan man sanda hay nag-ininom ku tubi nga gintinao kanda it Dyos, pareho ku rato nga tubi nga ginpatubod nana halin sa bato. Ro bato ngato hay nagasimbolo kay Kristo nga nag-iniba kanda.

Mga TagaGalacia 1:4

Ginhaead ni Jesu-Kristo ro anang kabuhi agod matubos kita sa pina ku atong mga saea ag agod hilwayon kita sa paggahom it kaeainan sa rayang tyempo. Ro anang ginhimo ngato hay suno sa pagbuot it Dyos nga aton man nga Ama.

Mga TagaGalacia 4:25

Matuod nga si Hagar hay kahalimbawa ku bukid it Sinai nga idto sa Arabia. Kahalimbawa man imaw ku syudad it Jerusalem makaron tungod nga ro Jerusalem ro simbolo ku mga Judio nga pareho it ulipon sa andang pagtinuman sa Kasuguan.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Tesalonica 5:18

Magpasaeamat kamo permi sa Dyos bisan ano ro inyong kahimtangan, tungod raya ro kabubut-on it Dyos nga obrahon ninyo bilang mga tumueuo ni Kristo Jesus.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.