Lucas 22:18 - Inkeanon

¹⁸ Ginahambae ko kinyo nga umpisa makaron hay indi eon ako mag-inom pa it bino hasta sa oras nga nagaselebrar eon idto sa eangit ro tanan nga mga sinakpan it Dyos.”

Lucas 22:18 Iomraidhean Croise

Mateo 16:18

Ro imong sambilog pa nga ngaean hay Pedro nga ro kahueugan hay bato. Ako mismo ro gahambae kimo nga sa rayang bato hay itukod ko ro grupo it tanan nakong tumueuo, ag si Satanas ag ro tanan nanang sinakpan nga mga demonyo hay indi makaperdi kara.

Mateo 26:29

Ginahambae ko kinyo nga halin makaron, indi gid ako mag-inom it makarayang bino hasta indi mag-abot ro oras nga kaibahan ko kamo, pati ro tanan nga mga sinakpan ku akon nga Ama, ag bag-o eon ro tanan.”

Marcos 14:23

Nagbuoe man dayon imaw it kopa nga may bino ag ginpasaeamatan man ra nana sa Dyos. Gintao nana ra sa anang mga sumueunod ag tanan sanda hay nag-inom kara.

Marcos 14:25

Naghambae pa si Jesus, “Matuod rang ginahambae kinyo nga halin makaron, indi eon gid ako mag-inom it bino hasta indi mag-abot ro oras nga kaibahan ko ro tanan nga mga sinakpan it Dyos, ag bag-o eon ro tanan.”

Marcos 15:23

Tag idto eon sanda hay ginapainom kunta nanda si Jesus it bino nga may halo nga mira, pero owa imaw kato mag-inom.

Marcos 9:1

Naghambae pa gid si Jesus, “Matuod rang ginahambae kinyo nga may iba iya kinyo nga indi gid mamatay hasta indi nanda makita ro gahom it Dyos sa anang paghari sa anang mga sinakpan.”

Lucas 21:31

Makaruyon man, kon hikita ninyo nga nagakaeatabo eon ro mga bagay nga ginhambae nakon hay masayran ninyo nga madali lang ag magahari eon gid ro Dyos.

Lucas 22:16

Ginahambae ko kinyo nga indi eon ako magkaon it uman kara hasta nga indi matuman ro ana kara nga ginapatungdan. Ruyon ro oras kon siin ro kaeuwasan ku tanan nga sinakpan it Dyos hay kumpleto eon gid.”

Lucas 9:27

Matuod rang ginahambae kinyo nga may iya kinyo nga indi gid mamatay hasta indi nanda makita ro paghari it Dyos sa anang mga sinakpan.”

Mga TagaColosas 1:13

Ana kita nga gineuwas sa gahom ni Satanas nga nagahari sa mga tawo nga una pa sa kadueom it saea, ag ana kita nga ginsaylo sa paggahom ku anang palangga nga Unga.