Lucas 22:16 - Inkeanon

¹⁶ Ginahambae ko kinyo nga indi eon ako magkaon it uman kara hasta nga indi matuman ro ana kara nga ginapatungdan. Ruyon ro oras kon siin ro kaeuwasan ku tanan nga sinakpan it Dyos hay kumpleto eon gid.”

Lucas 22:16 Iomraidhean Croise

Lucas 12:37

Bulahan gid-a ro mga sueuguon nga hiabutan ku andang amo nga haom ag nagabantay. Matuod rang ginahambae kinyo nga pag-abot it amo hay masuksuk imaw it eambong it manogserbi ag paadtunon nana sa lamisa ro mga sueuguon ag serbihan.

Lucas 14:15

Pagkabati kara ku sambilog sa mga kaibahan ni Jesus sa lamisa hay naghambae imaw kay Jesus, “Bulahan gid-a ro magakaon sa handaan sa eangit sa oras nga magahari eon gid ro Dyos sa anang mga sinakpan.”

Lucas 22:15

Naghambae imaw kanda, “Gusto ko gid nga mag-ililiba kita sa pagkaon it rayang ihapon sa Pagdumdum ku *Pagtaliwan bago ako mag-antos.

Lucas 22:18

Ginahambae ko kinyo nga umpisa makaron hay indi eon ako mag-inom pa it bino hasta sa oras nga nagaselebrar eon idto sa eangit ro tanan nga mga sinakpan it Dyos.”

Lucas 22:30

Ngani padunggan ko kamo ag mangin kaibahan nakon kamo permi sa pagkaon kon magselebrar eon idto sa eangit ro tanan nga sinakpan it Dyos. Ag padumaeahon ko kamo ku dose nga ka tribo ni Israel.”

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Mga Binuhatan 10:41

Owa imaw hakita it tanan nga tawo kundi kami eang nga kato pa't-a hay ginpili eon it Dyos nga mangin saksi ku mga butang ngara. Nagsaeo pa ngani kami kana sa pagkaon pagkabanhaw nana.

Pahayag 19:9

Naghambae dayon kakon ro anghel, “Sueatan ra. Bulahan ro mga ginkangay sa ponsyon ku kasae it Tiyo it Karnero.” Ag naghambae pa gid imaw kakon, “Matuod raya nga mga hambae it Dyos.”