Lucas 22:11 - Inkeanon

¹¹ Hambaea dayon ninyo ro tagbaeay nga ginapapangutana maton it maestro kon siin ro kwarto nga puydi nandang gamiton kon mag-ihapon sanda ku anang mga sumueunod makaron nga Pagdumdum ku *Pagtaliwan.

Lucas 22:11 Iomraidhean Croise

Mateo 21:3

Kon may magmueo ngani kinyo, sabta nga ginadapatan maton it Ginuo ag ipadaea ma't-a eagi sanda ron kinyo.”

Marcos 14:14

hasta sa baeay nga sudlan nana. Hambaea rayon ninyo ro tagbaeay nga ginapapangutana maton it maestro kon siin ro kwarto nga puydi nanda gamiton kon mag-ihapon sanda ku anang mga sumueunod makaron nga Pagdumdum ku *Pagtaliwan?

Lucas 19:31

Kon may magpangutana ngani kon ham-an it ginahubad ninyo hay sabta nga ginadapatan maton it Ginuo.”

Lucas 19:34

Nagsabat sanda, “Nadapatan ra abi it Ginuo.”

Lucas 19:5

Pagtungod ni Jesus sa kahoy, nagtangda imaw ag ginhambae si Zakeus, “Zakeus, panaog eon ay idto ako dapat madayon sa inyo makaron.”

Lucas 22:10

Nagsabat si Jesus, “Adto kamo sa syudad. May inyo idto nga hisubeang nga eaki nga may daea nga sangka banga nga tubi. Sunda ninyo imaw hasta sa sueod it baeay nga anang sudlan.

Lucas 22:12

Daehon dayon kamo it tagbaeay sa ibabaw. May idto nga mabahoe nga kwarto nga una eon ro tanan natong kinahangeanon. Idto ninyo pahauma ro atong ihapon.”

Juan 11:28

Pagkahambae nana karon, nag-uli imaw ag ginhutikan ro anang igmanghod nga si Maria, “Nag-abot ro Ginuo ag ginausoy ka nana.”

Pahayag 3:20

Pamati kamo. Nagatindog ako sa may pwertahan ag nagapanuktok. Kon may magpamati ku akong limog, ag anda ako nga buksan hay masueod gid ako ag magaiba kami sa pagkaon.