Lucas 21:34 - Inkeanon

³⁴ “Ngani mag-andam gid kamo sa sobra-sobrang pagkinalipay ag pagpinahilong, ag pagpinalitik it ueo parti sa tanan nga kinahangeanon sa pagpangabuhi, ay magapugong ron kinyo sa pagpahaom sa akong pagbalik, ag basi hiabut-abutan kamo ku adlaw ngaron nga gulping maabot pareho ku pagpisik it kisiw.

Lucas 21:34 Iomraidhean Croise

Mateo 13:22

Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, ag handom nga magmanggad nga matsa nagbulag kana. Imaw ron ngani nga owa makapamunga ro mensahi ngato sa anang kabuhi.

Marcos 13:9

“Mag-andam gid kamo. Pagadakpon kamo ag ipaatubang sa andang mga korte. Pagabakueon kamo sa mga sinagoga. Pagaimbistigahon kamo it mga gobernador ag hari tungod mga sumueunod nakon kamo ag ruyon ro inyong kahigayunan nga ikawali kanda ro Mayad nga Balita parti kakon.

Marcos 4:19

pero ratong mensahi hay matsa linuok it mga problema sa pangabuhi, handom nga magmanggad ag mas magmanggaranon pa gid nga matsa nagbulag kanda. Imaw ron ngani nga owa makapamunga ro mensahi ngato sa andang kabuhi.

Lucas 10:41

Pero nagsabat ro Ginuo, “Abi gid-a si Marta ngara. Kon ano-ano't-a ro imong ginakabangtan ag ginapalitikan it ueo.

Lucas 12:40

Ngani dapat man kamo nga mangin haom permi bangod ako nga Unga it Tawo hay maabot sa oras nga owa ninyo ginapaabuta.”

Lucas 17:3

Ngani bantayi ro inyong hueag. “Kon magkasaea kimo ro imong igmanghod, hambaei imaw, ag kon magpangayo imaw it patawad hay patawara.

Lucas 21:35

Magbantay kamo dahil gulpi eang maabot ro adlaw ngaron sa tanan nga iya sa ibabaw it kalibutan.

Lucas 21:8

Nagsabat si Jesus, “Mag-andam gid kamo nga indi kamo hipataeang ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag mahambae man sanda nga madali eon lang ro oras. Ayaw kamo magsunod kanda.

Lucas 8:14

Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, handom nga magmanggad ag kaila it kalingawan. Imaw ron ngani nga owa makapamunga ro mensahi ngato sa andang kabuhi.

1 Corinto 5:11

Ro akon 't-a nga ginapatungdan nga indi ninyo dapat pag-ibahan hay ro mga nagaako nga igmanghod sa pagtuo pero nagapanghulid sa bukon nanda it asawa, o maakop, o nagasimba sa diyos-diyos, o manogpakaeain, o paeahilong o nagapangeugos ku pagkabutang it iba. Ayaw kamo it pakig-iba sa mga makaruyon bisan sa pagkaon

1 Corinto 6:10

ro mga manakaw, ro mga maakop, ro mga paeahilong, ro mga manogpakaeain, ag ro mga nagapangeugos ku pagkabutang it iba hay indi man matapoe sa mga katawhan it Dyos nga anang sinakpan.

Mga TagaGalacia 5:20

pagsimba sa mga diyos-diyos, pagpangbabaylan, pagkueuntrahan, pag-ilinaway, pagkahisa, pagkaugot, pagkamaisip, pagbueueag, pagsipak-sipak,

Mga TagaFilipos 4:6

Maskin ano ro matabo, indi gid kamo magpinalitik ku inyong ueo kundi sa kada kahimtangan, magpangamuyo kamo ag magpangayo sa Dyos ku inyong mga kinahangean, ag permi man kamong magpasaeamat kana.

Mga Hebreo 12:15

Mag-andam kamo nga owa kinyo it magbalik sa dating ginatuuhan ag indi eon kasamit it sobrang kabuot it Dyos. Mag-andam man kamo nga owa inha kinyo it magpaeapta it saea nga turo nga makadaea sa dagaya kinyo sa pagpakasaea, dahil pareho ron it makahieilo nga tanom nga nagatapon sa ibang tanom sa palibot.

2 Pedro 3:10

Pero maabot gid man ro Adlaw nga mabalik ro Ginuo. Ag ro anang pag-abot hay indi masayran kon hin-uno, pareho it pag-abot it manakaw. Sa ruyon nga Adlaw hay mabatian ro mabaskog nga hagunos sa gulpi eang nga pagkaduea it kaeangitan. Ro adlaw, buean ag mga bituon hay magakaeatunaw sa sobrang kainit. Ro kalibutan ma't-a hay mawasak ag ro tanan nga binuhatan it tawo hay mabulgar.

2 Pedro 3:14

Ngani, mga hinigugma, samtang nagahueat kita nga matabo tanan ra hay magmahugod gid kita nga magpangabuhi it limpyo gid ag owa it ikasaway sa panueok it Dyos. Kon makaruyon hay may aton eon nga katawhayan sa atong tagipusuon kon mag-atubang eon kita kana.

Pahayag 3:3

Ngani dumduma ninyo kon ano ro ginturo kato kinyo nga kamatuuran nga ginbaton ninyo nga may kalipay. Ginbuhian ron ninyo ngani maghinuesoe kamo, ag mangin magmatinumanon kamo karon it uman. Ngani bugtaw eon kamo ay kon indi hay maadto ako inha agod pinahan kamo, ag ro akong pag-abot hay pareho ku pag-abot it manakaw nga indi masayran kon anong orasa.